అమరచింత ; వనపర్తి జిల్లా అమరచింత పట్టణ సమీపంలోని మరికల్ ప్రధాన రహదారిపై మంగళవారం అర్ధరాత్రి భారీ మొసలి ప్రత్యక్షమైంది.
పది అడుగుల పొడవు.. మూడు క్వింటాళ్ల బరువు ఉన్న మొసలి పెద్ద చెరువు నుంచి రోడ్డుపైకి వచ్చింది. ఇదే సమయంలో పామిరెడ్డిపల్లికి చెందిన వాల్మీకి రాజు, వెంకటేశ్ బైక్పై వెళ్తుండగా.. మొసలిని చూసి వెంటనే పోలీసులకు సమాచారం అందించారు. డీఎఫ్వో ఆదేశాల మేరకు స్నేక్ సొసైటీ సభ్యులు కృష్ణసాగర్, గోపాల్, నరేందర్ అక్కడకు చేరుకొని మొసలిని తాళ్లతో బంధించి ప్రత్యేక వాహనంలో తరలించి.. జూరాల ప్రాజెక్టు బ్యాక్ వాటర్లో వదిలిపెట్టారని ఎస్సై జగన్ తెలిపారు.