Visit:
హైదరాబాద్‌, నవంబర్‌ 21 (నమస్తే తెలంగాణ) : హిందీ మహావిద్యాలయ అటానమస్‌, గుర్తింపు రద్దు వివాదం నేపథ్యంలో అడ్మిషన్‌ల నిమిత్తం అధికారిక వెబ్‌సైట్‌లో కాలేజీ పేరును చేర్చాలన్న ఆదేశాలను అమలు చేయకపోవడంపై ఉస్మానియా యూనివర్సిటీ రిజిస్ట్రార్‌కు హైకోర్టు శుక్రవారం కోర్టు ధికరణ నోటీసులు జారీ చేసింది.
తమ ఉత్తర్వులను ఉద్దేశపూర్వకంగా ఉల్లంఘించినందున కోర్టు ధికరణ కింద ఎందుకు చర్యలు తీసుకోరాదో వ్యక్తిగతంగా హాజరై వివరణ ఇవ్వాలని ఆదేశించింది. జస్టిస్‌ బీ విజయ్‌సేన్‌రెడ్డి విచారణ చేపట్టగా యూనివర్సిటీ తరఫున న్యాయవాది ఎవరూ హాజరుకాకపోవడంతో రిజిస్ట్రార్‌ వ్యక్తిగత హాజరు నిమిత్తం ఆదేశాలు జారీ చేశారు. తదుపరి విచారణను వచ్చే వారానికి వాయిదా వేశారు.
