కోర్టు నిర్మాణ పనులపై పిల్‌ కొట్టివేత

వికారాబాద్‌ జిల్లా మేకలగండిలో ప్రతిపాదిత జిల్లా కోర్టు సముదాయం నిర్మాణ పనులను నిలిపివేయాలని కోరుతూ దాఖలైన ప్రజాహిత వ్యాజ్యాన్ని హైకోర్టు కొట్టివేసింది.

హైదరాబాద్‌, అక్టోబర్‌ 31 (నమస్తే తెలంగాణ): వికారాబాద్‌ జిల్లా మేకలగండిలో ప్రతిపాదిత జిల్లా కోర్టు సముదాయం నిర్మాణ పనులను నిలిపివేయాలని కోరుతూ దాఖలైన ప్రజాహిత వ్యాజ్యాన్ని హైకోర్టు కొట్టివేసింది. అది కోర్టు నిర్మాణానికి అనువైన ప్రాంతం కాదంటూ వికారాబాద్‌ జిల్లా న్యాయవాదుల బృందం దాఖలు చేసిన పిల్‌ను డిస్మిస్‌ చేసింది. ఈ మేరకు హైకోర్టు తాతాలిక ప్రధాన న్యాయమూర్తి జస్టిస్‌ పీ శ్యాంకోశీ, జస్టిస్‌ సుద్దాల చలపతిరావు ధర్మాసనం ఉత్తర్వులు జారీచేసింది.