Visit:
Harish Rao | రేవంత్‌రెడ్డి సర్కారుపై మాజీ మంత్రి, సిద్దిపేట ఎమ్మెల్యే హరీశ్‌రావు ఆగ్రహం వ్యక్తం చేశారు. హామీల అమలులో రాష్ట్ర ప్రజలతో పాటు దేశ ప్రజలను తప్పుదోవ పట్టిస్తున్నారని మండిపడ్డారు. బీఆర్‌ఎస్‌ గత తొమ్మిదేళ్లలో 1,16,000 పోస్టులు భర్తీ చేసిందన్నారు. నియామకాలపై దుష్ప్రచారం చేయడం దురదృష్టకరమన్నారు. 50వేల ఉద్యోగాలు ఇచ్చామంటూ డబ్బా కొట్టుకుంటున్నారని.. ఈ ఉద్యోగాలు గత ప్రభుత్వంలోనే నోటిఫై చేసి పరీక్షలు నిర్వహించామన్నారు. సర్టిఫికెట్‌ వెరిఫికేషన్‌ చేసి పూర్తి చేసినవేనన్నారు. ఎన్నికల కోడ్‌ కారణంగా పెండింగ్‌లో ఉన్న నియామకపత్రాలు ఇచ్చి తాము ఇచ్చినట్లు ప్రచారం చేసుకోవడం సిగ్గుచేటని విమర్శించారు. మొదటి ఏడాదిలోనే 2లక్షల ఉద్యోగాలు భర్తీ చేస్తామని చెప్పి హామీ ఇచ్చారని.. ఈ రోజుకు పదిశాతం కూడా పూర్తి చేయలేదని మండిపడ్డారు. 2023 డిసెంబర్‌ 9 నాటికి రుణమాఫీ పూర్తి చేస్తామని హామీ ఇచ్చినా అర్హులైన రైతుల్లో సగానికిపైగా ఇంకా వేచి చూడాల్సిన దుస్థితి నెలకొందని విమర్శించారు.
రూ.4వేల పెన్షన్‌ ఇస్తామని హామీ ఇచ్చి.. 11 నెలలయినా అమలు చేయలేదన్నారు. ప్రతి మహిళకు నెలా రూ.2500 ఇస్తామని చెప్పినా ఇప్పటి వరకు ఆచరణలోకి రాలేదన్నారు. ప్రతి విద్యార్థికి రూ.5లక్షలతో విద్యా భరోసా కార్డు ఇస్తామన్న హామీ ఇంకా ప్రారంభం కాలేదని గుర్తు చేశారు. ప్రతి పంటకు బోనస్‌ ఇస్తామని హామీ ఇచ్చి సన్న రకాలకు మాత్రమే పరిమితం చేశారన్నారు. కల్యాణలక్ష్మి లబ్ధిదారులకు తులం బంగారం హామీ ఊసేలేదని.. మహిళా విద్యార్థులకు ఎలక్ట్రికల్‌ వాహనాల హామీ గుర్తు కూడా లేదన్నారు. అధికారంలోకి వచ్చిన వంద రోజుల్లోనే హామీలు నెరవేర్చుతామని చెప్పారని.. 300 రోజులు గడిచినా హామీలను నెరవేర్చలేదన్నారు. కొత్త హామీల సంగతి దేవుడెరుగు బీఆర్‌ఎస్‌ ప్రారంభించిన రైతుబంధు, దళితబంధు, బీసీబంధు, కేసీఆర్‌ కిట్‌, న్యూట్రిషన్‌ కిట్‌, ప్రభుత్వ పాఠశాలల్లో బ్రేక్‌ఫాస్ట్‌, బతుకమ్మ చీరలు, ఇంకా పలు పథకాలన్నీ నిలిచిపోయాయని మండిపడ్డారు. ఈ మేరకు సోషల్‌ మీడియా వేదికగా ట్వీట్‌ చేశారు.
Mr. @revanth_anumula
The BRS government, within nine years, has recruited 1,61,000 positions. It’s unfortunate that you continue to spread falsehoods on recruitments.
Mr. Chief Minister, is it not true that almost all the 50,000 jobs claimed by you were notified, examination… https://t.co/eoExyVOd1x
— Harish Rao Thanneeru (@BRSHarish) November 2, 2024
