వైటీపీఎస్‌ నుంచి జెన్‌కో ఔట్‌

యాదాద్రి థర్మల్‌ పవర్‌ ప్లాంట్‌ (వైటీపీఎస్‌)కు సంబంధించిన ఆపరేషన్‌ అండ్‌ మెయింటెనెన్స్‌ (ఓఅండ్‌ఎం) బాధ్యతల నుంచి టీజీ జెన్‌కో తప్పుకుంటున్నది. రెండో విడతలో నిర్మించిన ప్లాంట్ల నిర్వహణ బాధ్యతలను ఇతరులకు అప్పగించనున్నది. ఇటీవల నిర్వహించిన తెలంగాణ పవర్‌ కో-ఆర్డినేషన్‌ కమిటీ (టీజీపీసీసీ) సమావే శం ఇందుకు ఆమోదం తెలిపింది.

• రెండో విడత ఓఅండ్‌ఎం బాధ్యతల నుంచి పక్కకు
• ప్రైవేట్‌కు లేదా.. బీహెచ్‌ఈఎల్‌కు అప్పగించే చాన్స్‌
• పవర్‌ కో-ఆర్డినేషన్‌ కమిటీ మీటింగ్‌లో ఆమోదం
• తీవ్రంగా వ్యతిరేకిస్తున్న విద్యుత్తు ఉద్యోగ సంఘాలు

హైదరాబాద్‌, డిసెంబర్‌ 31 (నమస్తే తెలంగాణ): యాదాద్రి థర్మల్‌ పవర్‌ ప్లాంట్‌ (వైటీపీఎస్‌)కు సంబంధించిన ఆపరేషన్‌ అండ్‌ మెయింటెనెన్స్‌ (ఓఅండ్‌ఎం) బాధ్యతల నుంచి టీజీ జెన్‌కో తప్పుకుంటున్నది. రెండో విడతలో నిర్మించిన ప్లాంట్ల నిర్వహణ బాధ్యతలను ఇతరులకు అప్పగించనున్నది. ఇటీవల నిర్వహించిన తెలంగాణ పవర్‌ కో-ఆర్డినేషన్‌ కమిటీ (టీజీపీసీసీ) సమావే శం ఇందుకు ఆమోదం తెలిపింది. అయితే, తొలుత టీజీజెన్‌కో ఎలాంటి ప్రతిపాదనలూ సమర్పించకపోయినప్పటికీ, అకస్మాత్తుగా సర్కార్‌ పెద్దలు కల్పించుకుని ఈ అంశాన్ని సమావేశం ఎజెండాలో చేర్చి ఆమోదించిన ట్టు తెలుస్తున్నది. ఈ ప్లాంట్‌ ఓఅండ్‌ఎం బాధ్యతలను ప్రైవేట్‌కు లేదా.. బీహెచ్‌ఈఎల్‌కు అప్పగించే అవకాశా లు ఉన్నట్టు సమాచారం.

ఓ ప్రైవేట్‌ సంస్థ ఈ ప్లాంట్‌ ఓఅండ్‌ఎం పనులను కైవసం చేసుకునేందుకు శతవిధా లా ప్రయత్నిస్తున్నట్టు విద్యుత్తుసౌధ వర్గాల్లో ప్రచారం జరుగుతున్నది. అయితే, బీహెచ్‌ఈఎల్‌కు ఇస్తారని కొం దరు ఇంజినీర్లు చెప్తున్నారు. బీహెచ్‌ఈఎల్‌కు ఇచ్చినట్టు ఇచ్చి, అనంతరం ఓ ప్రైవేట్‌ సంస్థకు కట్టబెట్టేందుకు రంగం సిద్ధమైందనే గుసగుసలు వినిపిస్తున్నాయి. ఈ వ్యవహారంలో పెద్దమొత్తంలో చేతులు మారినట్టు ప్రచారం జరుగుతున్నది. ఇందుకు సంబంధించిన మినట్స్‌ బయటికి పొక్కకుండా సర్కార్‌ పెద్దలు జాగ్రత్తలు తీసుకుంటున్నారు. వైటీపీఎస్‌ ఓఅండ్‌ఎం బాధ్యతల నుంచి తప్పుకోవాలన్న జెన్‌కో నిర్ణయాన్ని విద్యు త్తు ఉద్యోగ, ఇంజినీర్ల సంఘాలు వ్యతిరేకిస్తున్నాయి.

ఇంజినీర్లు ఉండగా..
వైటీపీఎస్‌ను మొత్తం నాలుగు వేల మెగావాట్ల సామర్థ్యంతో నిర్మించారు. మొదటి దశలో 800 మెగావాట్ల సామర్థ్యం గల రెండు ప్లాంట్లు, సెకండ్‌ స్టేజ్‌లో 800 మెగావాట్ల సామర్థ్యం గల మూడు యూనిట్లున్నాయి. ఫస్ట్‌ స్టేజ్‌లోని రెండు యూనిట్లల్లో కమర్షియల్‌ ఆపరేషన్స్‌ ప్రారంభమయ్యాయి. రెండో స్టేజ్‌లో యూనిట్‌-4 కమర్షియల్‌ ఆపరేషన్స్‌ ప్రారంభించేందుకు అధికారులు ప్రయత్నాలు చేస్తున్నారు. ఆ తర్వాత మిగిలిన రెండు యూనిట్లు సైతం అందుబాటులోకి రావాల్సి ఉన్నది. అయితే రామగుండం, విద్యుత్తుసౌధ, భద్రాద్రి ప్లాంట్‌ నుంచి కొందరిని బదిలీచేసి వైటీపీఎస్‌లో పోస్టింగ్‌ ఇచ్చారు.

కానీ, ఈ ప్లాంట్ల అవసరాలు తీర్చేందుకు, భవిష్యత్తు అవసరాలను దృష్టిలో ఉంచుకుని జెన్‌కో కొత్త ఇంజినీర్లను రిక్రూట్‌చేయాల్సి ఉండగా, ఇంతవరకు రిక్రూట్‌చేయలేదు. వైటీపీఎస్‌ రెండో విడత ఓఅండ్‌ఎం బాధ్యతలను ఇతరులకు అప్పగించడాన్ని ఒప్పుకోబోమని తెలంగాణ స్టేట్‌ పవర్‌ ఎంప్లాయీస్‌ జేఏసీ నేతలు సాయిబాబు, రత్నాకర్‌రా వు, బీసీరెడ్డి, సదానందం అభిప్రాయపడ్డారు. ఈ ప్లాంట్లను టీజీ జెన్‌కో ద్వారానే నిర్వహించాలని డిమాండ్‌ చేశారు. జెన్‌ కో, ప్రభుత్వం దృష్టికి తీసుకెళ్తామని చెప్పారు.

ప్రైవేట్‌కు అప్పగిస్తే నష్టమేమిటి?

• ఒక 800 మెగావాట్ల ప్లాంట్‌ ఆపరేషన్‌ అండ్‌ మెయింటెనెన్స్‌ (ఓఅండ్‌ఎం)కు ఏడాదికి రూ.240 కోట్లు, సెకండ్‌ స్టేజ్‌లోని మూడు యూ నిట్లుకు ఏడాదికి దాదాపు రూ.750 కోట్లు అవసరం. ఇదంతా ప్రైవేట్‌ చేతుల్లోకి వెళ్లనున్నాయి.
• వైటీపీఎస్‌ ప్రాంగణంలో రూ.929 కోట్లు వెచ్చించి ఇంటిగ్రేటెడ్‌ టౌన్‌షిప్‌ను టీజీ జెన్‌కో నిర్మించనున్నది. ఇందుకు టెండర్ల ప్రక్రియ సైతం పూర్తిచేసింది. ఈ యూనిట్‌ ఓఅండ్‌ఎంను ఇతర కంపెనీలకు ఇస్తే, ఇక ఇంటిగ్రేటెడ్‌ టౌన్‌షిప్‌ నిర్మించడం ఎందుకన్నది ప్రధాన ప్రశ్న.
• సెంట్రల్‌ ఎలక్ట్రికల్‌ అథారిటీ (సీఈఏ) నిబంధనల ప్రకారం ఒక మెగావాట్‌కు ఒకరు చొప్పున ఇంజినీర్లు, ఉద్యోగులుండాలి. ఈ ప్లాంట్‌ నిర్వహణకు నాలుగువేల మంది ఉద్యోగులు, ఇంజినీర్లు అవసరం. వీరేకాకుండా పరోక్షంగా ఔట్‌సోర్సింగ్‌ పద్ధతిలో పనిచేసేందుకు మరో 10 వేల మందికి ఉపాధి దొరుకుతుంది. ఓఅండ్‌ఎం ప్రైవేట్‌కు ఇస్తే జెన్‌కో ఉద్యోగులు, ఇంజినీర్లకు పని ఉండదు.
• కొత్త ప్లాంట్‌ కావడంతో చీఫ్‌ ఇంజినీర్‌, సూపరింటెండెంట్‌ ఇంజినీర్‌ మొదలుకుని అన్ని స్థాయిల్లో కొత్త పోస్టులు అవసరమవుతాయి. ఈ మేరకు ఇప్పుడున్న ఉద్యోగులకు ప్రమోషన్లు కల్పించి ఆయా పోస్టులను భర్తీచేయవచ్చు. అదే ప్రైవేట్‌కు అప్పగిస్తే ప్రమోషన్లు దక్కవు.
• భవిష్యత్తులో కొత్త రిక్రూట్‌మెంట్‌ ఉండదు. జెన్‌కోలో అసిస్టెంట్‌ ఇంజినీర్‌ (ఏఈ) పోస్టులను భర్తీచేసే అవకాశం ఉండదు. నిరుద్యోగ ఇంజినీరింగ్‌ గ్రాడ్యుయేట్లకు ఉద్యోగాలు దక్కవు.