‘సర్’ గడువు పొడిగింపు
రాష్ట్రంలో ఓటరు జాబితాల ప్రత్యేక సమగ్ర సవరణ (సర్) ప్రక్రియ గడువును కేంద్రం ఎన్నికల సంఘం మరోసారి పొడిగించింది.
- 30 వరకు ఏఎస్డీడీ ఓటర్ల ఎన్యుమరేషన్ ఫామ్ల పంపిణీ
- డిసెంబర్ 10లోగా పరిశీలన పూర్తి
- 22న తుది ఓటరు జాబితా ప్రచురణ
హైదరాబాద్, నవంబర్ 17 (నమస్తే తెలంగాణ): రాష్ట్రంలో ఓటరు జాబితాల ప్రత్యేక సమగ్ర సవరణ (సర్) ప్రక్రియ గడువును కేంద్రం ఎన్నికల సంఘం మరోసారి పొడిగించింది. తెలంగాణ సహా ఏడు రాష్ట్రాలు, కేంద్రపాలిత ప్రాంతాల్లో కొనసాగుతున్న ‘సర్’ షెడ్యూల్లో మళ్లీ మార్పులు చేసింది. ఆబ్సెంట్, షిఫ్టెడ్, డెడ్, డూప్లికేట్ (ఏఎస్డీడీ) క్యాటగిరీ ఓటర్ల ఎన్యుమరేషన్ ప్రక్రియకు ప్రత్యేక గడువులను నిర్ణయించింది.
క్లెయిమ్లు, అభ్యంతరాల పరిష్కార గడువును ఈ నెల 26 నుంచి డిసెంబర్ 15 వరకు, తుది ఓటరు జాబితా ప్రచురణ గడువును ఈ నెల 30 నుంచి డిసెంబర్ 22 వరకు పొడిగించింది. ఈ మేరకు తెలంగాణ సహా సంబంధిత రాష్ట్రాల ప్రధాన ఎన్నికల అధికారులకు కేంద్ర ఎన్నికల సంఘం కార్యదర్శి సందీప్ కుమార్ లేఖ జారీ చేశారు.
ఏఎస్డీడీ ఓటర్ల ఎన్యుమరేషన్కు మూడు దశల్లో గడువులు
ఏఎస్డీడీ ఓటర్ల ఎన్యుమరేషన్ కోసం ఫామ్ల తయారీ, ముద్రణ ప్రక్రియను బుధవారం (నవంబర్ 18)లోగా పూర్తిచేయాలని, నవంబర్ 18 నుంచి 30 వరకు ఎన్యుమరేషన్ ఫామ్ల పంపిణీ, సేకరణ చేపట్టాలని ఈసీ ఆదేశించింది. సేకరించిన ఫామ్ల పరిషార ప్రక్రియను డిసెంబర్ 10లోగా పూర్తి చేయాలని స్పష్టం చేసింది. తెలంగాణ రాష్ట్రానికి సంబంధించి సవరించిన ‘సర్’ షెడ్యూల్ను కూడా ఎన్నికల సంఘం ప్రకటించింది. నోటీసుల దశ, క్లెయిమ్లు, అభ్యంతరాల పరిషార ప్రక్రియను డిసెంబర్ 15 వరకు కొనసాగించాలని నిర్ణయించింది. 22న తుది ఓటరు జాబితాను ప్రచురించనున్నట్టు తెలిపింది.
ఏడు రాష్ట్రాలు, కేంద్రపాలిత ప్రాంతాల్లో డిసెంబర్ 22న తుది ఓటరు జాబితా
తెలంగాణతోపాటు ఆంధ్రప్రదేశ్, ఢిల్లీ, నాగాలాండ్, మహారాష్ట్ర, హర్యానా, జార్ఖండ్ రాష్ట్రాలు, కేంద్రపాలిత ప్రాంతాలకు సవరించిన షెడ్యూల్ను ఈసీ జారీ చేసింది. ఏఎస్డీడీ ఓటర్ల ఎన్యుమరేషన్, సవరించిన ‘సర్’ షెడ్యూల్పై ప్రజలకు విస్తృత అవగాహన కల్పించాలని ఎన్నికల సంఘం ఆదేశించింది. ఇందుకోసం అందుబాటులో ఉన్న అన్ని మాధ్యమాల ద్వారా ప్రచారం నిర్వహించాలని సంబంధిత రాష్ట్రాల అధికారులకు సూచించింది.
ఏఎస్డీడీ ఓటర్ల క్లెయిమ్లు, అభ్యంతరాల పరిషారం
తెలంగాణ: ఆగస్టు 17 నుంచి డిసెంబర్ 15 వరకు.
ఆంధ్రప్రదేశ్: జూలై 31 నుంచి డిసెంబర్ 15 వరకు
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

