తేజశ్రీ తల్లి నిరాహార దీక్ష
ఫ్రొఫెసర్ జయశంకర్ తెలంగాణ వ్యవసాయ విశ్వవిద్యాలయంలో మహిళా ప్రొఫెసర్ తేజశ్రీపై వైస్ చాన్స్లర్ లైంగిక వేధింపులకు పాల్పడ్డారన్న కేసులో న్యాయం చేయాలని డిమాండ్ చేస్తూ ఆమె తల్లి లక్ష్మి మంగళవారం మూసారాంబాగ్లోని తన నివాసంలో నిరాహార దీక్ష చేపట్టారు.
- లైంగిక వేధింపుల కేసులో వీసీపై చర్యలకు డిమాండ్
- అగ్రివర్సిటీ విద్యార్థులు, అధ్యాపకుల సంఘీభావం
మలక్పేట, నవంబర్ 17: ఫ్రొఫెసర్ జయశంకర్ తెలంగాణ వ్యవసాయ విశ్వవిద్యాలయంలో మహిళా ప్రొఫెసర్ తేజశ్రీపై వైస్ చాన్స్లర్ లైంగిక వేధింపులకు పాల్పడ్డారన్న కేసులో న్యాయం చేయాలని డిమాండ్ చేస్తూ ఆమె తల్లి లక్ష్మి మంగళవారం మూసారాంబాగ్లోని తన నివాసంలో నిరాహార దీక్ష చేపట్టారు. ఈ సందర్భంగా ఆమె మాట్లాడుతూ.. బాధితురాలు ఫిర్యాదు చేసినప్పటికీ, ఇప్పటివరకూ పోలీసులు ఎఫ్ఐఆర్ నమోదు చేయలేదని చెప్పారు. వీసీ ప్రొఫెసర్ అల్దాస్ జానయ్యను పదవి నుంచి తప్పించలేదని పేర్కొన్నారు.
బాధితురాలికి విశ్వవిద్యాలయంలో బెదిరింపులు, ఒత్తిళ్లు కొనసాగుతున్నాయని ఆవేదన వ్యక్తంచేశారు. తన కూతురికి న్యాయం జరిగే వరకూ నిరాహార దీక్ష విరమించేదిలేదని, తమ పోరాటం ఆగదని స్పష్టంచేశారు. గత మూడు నెలలుగా తన బిడ్డ పడుతున్న వేదనను దగ్గరనుంచి చూస్తున్నానని చెప్పారు. తేజశ్రీ తనకు ఎదురైన పరిస్థితిని కుటుంబానికి వివరించినప్పటినుంచి అందరం ఈ విషయంపై చర్చించామని, యూనివర్సిటీలో మరెవరికీ ఇలాంటి పరిస్థితులు రాకూడదని, ఎవరికీ ఇలాంటి అన్యాయం జరుగకూడదనే ఉద్దేశంతో కుటుంబమంతా ముందుకు వచ్చామని ఆమె తెలిపారు.
దీక్షకు సంఘీభావం
లైంగిక వేధింపుల ఘటనలో న్యాయం చేయాలని ప్రొఫెసర్ తేజశ్రీ తల్లి మూసారాంబాగ్లోని తన నివాసంలో నిరాహార దీక్ష చేపట్టారన్న విషయం తెలుసుకున్న విశ్వవిద్యాలయ అధ్యాపకులు, బోధనేతర సిబ్బంది, విద్యార్థులు క్యాంపస్ నుంచి మూసారాంబాగ్లోని తేజశ్రీ నివాసానికి చేరుకున్నారు. ఆమె తల్లి చేపట్టిన నిరాహార దీక్షకు సంఘీభావం ప్రకటించి, ఆమెతోపాటు దీక్షలో కూర్చున్నారు.
ఈ సందర్భంగా వారు మాట్లాడుతూ.. వీసీ అల్దాస్ జానయ్యపై సంబంధిత అధికారులు 24 గంటల్లోగా చర్యలు తీసుకోవాలని, లేదా ఆయన స్వచ్ఛందంగా పదవి నుంచి తప్పుకోవాలని డిమాండ్ చేశారు. 24 గంటల్లో అధికారులు చర్యలు తీసుకోకపోతే పెద్దఎత్తున శాంతియుత నిరసన ప్రదర్శనలు, నిరాహార దీక్షలు చేపడుతామని హెచ్చరించారు. తన పోరాటానికి మద్దతుగా నిలిచి తన ఇంటికివచ్చి అండగా నిలిచిన అధ్యాపకులు, బోధనేతర సిబ్బంది, విద్యార్థులకు లక్ష్మి కృతజ్ఞతలు తెలియజేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

