2డీజీకి నకిలీ బెడద

- అమ్ముతామంటూ ఆన్లైన్లో ప్రచారం
- ఈ మందు ఇంకా మార్కెట్లోకి రాలేదు
- జూన్ రెండోవారంలో అందుబాటులోకి
- డాక్టర్ రెడ్డీస్ ప్రకటన
హైదరాబాద్, మే 20 (నమస్తే తెలంగాణ): కరోనా చికిత్సకు డీఆర్డీవో అభివృద్ధి చేసిన ఔషధం ‘2-డీఆక్సీ-డీ-గ్లూకోజ్’ (2-డీజీ) పేరుతో వస్తున్న తప్పుడు మెసేజ్లు, నకిలీ ఉత్పత్తులను నమ్మొద్దని ఈ ఔషధాన్ని ఉత్పత్తిచేస్తున్న డాక్టర్ రెడ్డీస్ ల్యాబ్స్ సూచించింది. ఈమందును ఇంకా మార్కెట్లోకి విడుదల చేయలేదని ప్రకటించింది. 2 డీజీపై ప్రపంచవ్యాప్తంగా ఆసక్తి నెలకొన్నది. మనదేశంలో ప్రజలంతా దీనికోసం కోసం ఎదురుచూస్తున్నారు. ఈనెల 17న లాంఛనంగా దీనిని విడుదలచేశారు. దాంతో కరోనా బాధితులు, వారి కుటుంబ సభ్యులు ‘2 డీజీ’ కోసం ఆన్లైన్లో, ఆఫ్లైన్లో వెతుకుతున్నారు. ఇదే అదనుగా చేసుకొని కొందరు కేటుగాళ్లు 2 డీజీ మందు లభిస్తుందంటూ నకిలీ మెసేజ్లు పంపుతున్నారు. ఈ నేపథ్యంలో డాక్టర్ రెడ్డీస్ ల్యాబ్స్ ఈ ప్రకటనచేసింది. 2 డీజీని ఇంకా బహిరంగ మార్కెట్లోకి విడుదల చేయలేదని స్పష్టంచేసింది. ప్రస్తుతం ఎంపిక చేసిన ఎయిమ్స్ దవాఖానలు, మిలిటరీ దవాఖానలు, కొన్ని ప్రభుత్వ దవాఖానలకు మాత్రమే ఈ ప్యాకెట్లను పంపిణీ చేసినట్టు వెల్లడించింది. జూన్ రెండో వారంలో వీటిని బహిరంగ మార్కెట్లో విడుదల చేస్తామని పేర్కొన్నది. అప్పుడు నేరుగా అన్ని ప్రభుత్వ, ప్రైవేటు దవాఖానలకు సరఫరా చేయనున్నట్టు తెలిపింది. ఈ ప్యాకెట్ల ధరను ఇప్పటివరకు ఖరారు చేయలేదని రెడ్డీస్ ల్యాబ్స్ వెల్లడించింది. అసత్య ప్రచారాన్ని నమ్మొద్దని సూచించింది.ప్రజలకు ఏవైనా అనుమానాలుంటే 2dg@drreddys.com మెయిల్ ఐడీని సంప్రదించాలని సూచించింది. 2 డీజీ ఔషధంపై సర్వత్రా ఆసక్తి నెలకొనడంతో కొందరు మోసగాళ్లు ఈ డ్రగ్ అమ్ముతామంటూ రెడ్డీస్ ల్యాబ్స్కు చెందిన ఇద్దరు సిబ్బంది మెయిల్ ఐడీలను సోషల్ మీడియాలో షేర్ చేశారు. ఇదంతా అసత్యమని, ఒకవేళ మార్కెట్లో అలాంటివి కనిపిస్తే అవి కచ్చితంగా నకిలీవేనని స్పష్టంచేసింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
KTR | కాంగ్రెస్ మోసాలను ప్రజలకు మరోసారి గుర్తు చేసిన కేటీఆర్
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

