Visit:
న్యూఢిల్లీ, నవంబర్‌ 29: అత్యాధునిక 6జీ ఫోన్లు అందుబాటులోకి రాకముందే అందుకు సంబంధించిన ఓ పరిశోధన ఆసక్తికరంగా మారింది. శాస్త్రవేత్తలు కృత్రిమంగా హైబ్రిడ్‌ స్పిన్‌ ధ్వని తరంగాలను ఆవిష్కరించారు. కృత్రిమ ధ్వని తరంగాలు 6జీ సిగ్నల్‌కు సులువుగా కనెక్ట్‌ అయ్యే పరిజ్ఞానం ఉంటుందని తెలిపారు. సాధారణంగా ధ్వని తరంగాలు గాలి ద్వారానే కాకుండా వస్తువు ద్వారా కూడా పయనిస్తాయి. అణువులోని ఎలక్ట్రాన్లు క్వాంటం స్పిన్‌ను కలిగి ఉంటాయని, ఇవి కంపనానికి ప్రతిస్పందించాయని తెలిసింది. ఇలా చిన్న తరహా ధ్వని తరంగాల వల్ల 6జీ సిగ్నల్‌ వేగంగా అందేలా దోహదపడతాయని చెప్పారు. ఫోన్లలో హైబ్రిడ్‌ స్పిన్‌ సౌండ్‌ ఆప్షన్‌ వచ్చిన తర్వాత వీటిని వినియోగించుకోవచ్చని వివరించారు.
