పంటలకు పరిహారం ఇవ్వాలని ధర్నా

వడగండ్ల వానతో పంట నష్టపోయిన తమను ప్రభుత్వం ఆదుకోవాలని డిమాండ్‌ చేస్తూ ములుగు జిల్లా గోవిందరావుపేట మండలం లక్నవరం చెరువు కింది రైతులు ఆందోళనకు దిగారు. బుధవారం వారు గోవిందరావుపేట తహసీల్దార్‌ కార్యాలయం ఎదుట ధర్నా చేపట్టారు.

• గోవిందరావుపేట తహసీల్‌ ఎదుట రైతుల నిరసన

గోవిందరావుపేట, ఏప్రిల్‌ 9 : వడగండ్ల వానతో పంట నష్టపోయిన తమను ప్రభుత్వం ఆదుకోవాలని డిమాండ్‌ చేస్తూ ములుగు జిల్లా గోవిందరావుపేట మండలం లక్నవరం చెరువు కింది రైతులు ఆందోళనకు దిగారు. బుధవారం వారు గోవిందరావుపేట తహసీల్దార్‌ కార్యాలయం ఎదుట ధర్నా చేపట్టారు. ఈ సందర్భంగా రైతు సంఘం రాష్ట్ర కమిటీ సభ్యుడు తుమ్మల వెంకట్‌రెడ్డి మాట్లాడుతూ.. పంట నష్టపరిహారం కింద ఎకరానికి రూ.50 వేలు ఇవ్వాలని డిమాండ్‌ చేశారు. ఇండ్లు దెబ్బతిని నష్టపోయిన వారికి రూ.5 లక్షలు అందించాలని కోరారు. అనంతరం తహసీల్దార్‌కు వినతిపత్రం అందజేశారు.