325 చోట్ల సైబర్‌ నేరాలపై అవగాహన

‘సైబర్‌ జాగృత దివస్‌'ను పురస్కరించుకొని రాష్ట్రవ్యాప్తంగా 325 ప్రాంతాల్లో సైబర్‌నేరాలపై అవగాహన కార్యక్రమాలు చేపట్టినట్టు సైబర్‌ సెక్యూరిటీ బ్యూరో డీజీ శిఖాగోయెల్‌ తెలిపారు. బుధవారం ఆమె విలేకరులతో మాట్లాడుతూ.. కళాశాలలు, వైద్యసంస్థలు, ప్రైవేట్‌ ఆఫీస్‌లు, ప్రజా సమావేశ స్థలాలు, బస్టాండ్‌లలో ఈ సెషన్లు నిర్వహించినట్టు పేర్కొన్నారు.

• సీఎస్‌బీ డీజీ శిఖాగోయెల్‌ వెల్లడి

హైదరాబాద్‌, మే 7 (నమస్తే తెలంగాణ): ‘సైబర్‌ జాగృత దివస్‌’ను పురస్కరించుకొని రాష్ట్రవ్యాప్తంగా 325 ప్రాంతాల్లో సైబర్‌నేరాలపై అవగాహన కార్యక్రమాలు చేపట్టినట్టు సైబర్‌ సెక్యూరిటీ బ్యూరో డీజీ శిఖాగోయెల్‌ తెలిపారు. బుధవారం ఆమె విలేకరులతో మాట్లాడుతూ.. కళాశాలలు, వైద్యసంస్థలు, ప్రైవేట్‌ ఆఫీస్‌లు, ప్రజా సమావేశ స్థలాలు, బస్టాండ్‌లలో ఈ సెషన్లు నిర్వహించినట్టు పేర్కొన్నారు. కొత్త పద్ధతుల్లో పుట్టుకొస్తున్న సైబర్‌ నేరాలను అడ్డుకోవడంపై ప్రజలకు అవగాహన కల్పించామని వివరించారు.

ఫేస్‌బుక్‌, ఇన్‌స్టాగ్రామ్‌ల్లో ఆకర్షణీయమైన ఆఫర్‌లు సృష్టించి.. యూపీఐ, ఈ-వాలెట్‌ల ద్వారా మోసం చేస్తున్నారని తెలిపారు. పార్ట్‌టైమ్‌ ఉద్యోగాల పేరుతో గృహిణులు, నిరుద్యోగుల దగ్గర డబ్బులు వసూలు చేస్తున్నారని పేర్కొన్నారు. నకలీ నంబర్‌ ప్లేట్‌, ఫాస్టాగ్‌, హెచ్‌ఎస్‌ఆర్పీల పేరిట మోసాలకు పాల్పడుతున్నారని.. ఈ తరహా మెసాలపై అవగాహన కల్పించామని చెప్పారు. సైబర్‌ నేరాల బారినపడిన వారు వాట్సాప్‌ నంబర్‌ 8712672222కు రిపోర్ట్‌ చేయాలని ఆమె సూచించారు.