తెలంగాణలో బీజేపీ అధికారంలోకి రాదు

కేంద్ర హోంమంత్రి అమిత్‌ షా తెలంగాణ మొత్తం మోకాళ్లపై తిరిగినా ఇక్కడ బీజేపీ అధికారంలోకి రాదని సీపీఐ రాష్ట్ర సహాయకార్యదర్శి ఈటీ నరసింహ స్పష్టంచేశారు.

• సీపీఐ రాష్ట్ర సహాయ కార్యదర్శి ఈటీ నరసింహ స్పష్టీకరణ

హైదరాబాద్‌, నవంబర్‌ 3 (నమస్తే తెలంగాణ): కేంద్ర హోంమంత్రి అమిత్‌ షా తెలంగాణ మొత్తం మోకాళ్లపై తిరిగినా ఇక్కడ బీజేపీ అధికారంలోకి రాదని సీపీఐ రాష్ట్ర సహాయకార్యదర్శి ఈటీ నరసింహ స్పష్టంచేశారు. దేశంలో మూడు కోట్ల మంది చొరబాటుదారుల ఓట్లను తొలగించామని అమిత్‌ షా వ్యాఖ్యానించడం ఆయన అసమర్థతకు నిదర్శనమని విమర్శించారు.

గత 12 ఏండ్లుగా హోంమంత్రిగా ఉన్న అమిత్‌షా ఇంతమంది చోరబాటుదార్లు దేశంలోకి ప్రవేశిస్తుంటే ఏం చేస్తున్నారని, ఇందుకు నైతిక బాధ్యత వహిస్తూ తక్షణమే రాజీనామా చేయాలని డిమాండ్‌ చేశారు. సీపీఐ కార్యాలయంలో మంగళవారం రాష్ట్ర కార్యవర్గ సభ్యురాలు ఎస్‌ ఛాయాదేవి, జిల్లా కార్యదర్శి స్టాలిన్‌, సహాయ కార్యదర్శి కమతం యాదగిరిలతో కలిసి ఆయన మీడియాతో మాట్లాడారు. ఓటర్ల జాబితాలో పేర్లు గల్లంతైన వారందరినీ విదేశీయులుగా చిత్రీకరించి రాజకీయ లబ్ధి పొందాలని చూడటం ప్రజాస్వామ్యానికి హానికరమని విమర్శించారు.