కౌలు రైతు ఆత్మహత్య.. అకాల వర్షాలకు దెబ్బతిన్న పత్తి

కాంగ్రెస్‌ సర్కారు పాలనలో రైతుల ఆత్మహత్యలు ఆగడం లేదు. ఈ క్రమంలో ఆర్థిక ఇబ్బందులతో కౌలు రైతు ఆ త్మహత్యకు పాల్పడిన ఘటన జనగామ జిల్లా రఘునాథపల్లి మండలం ఆంధ్రతండాలో జరిగింది. పోలీసులు తెలిపిన వివరాల ప్రకారం..

• పదిలక్షల అప్పుతీర్చే దారిలేక బలవన్మరణం
• జనగామ జిల్లా ఆంధ్రతండాలో ఘటన

రఘునాథపల్లి, నవంబర్‌ 29 : కాంగ్రెస్‌ సర్కారు పాలనలో రైతుల ఆత్మహత్యలు ఆగడం లేదు. ఈ క్రమంలో ఆర్థిక ఇబ్బందులతో కౌలు రైతు ఆ త్మహత్యకు పాల్పడిన ఘటన జనగామ జిల్లా రఘునాథపల్లి మండలం ఆంధ్రతండాలో జరిగింది. పోలీసులు తెలిపిన వివరాల ప్రకారం.. ఆంధ్రతండాకు చెందిన మాలోత్‌ రమేశ్‌(39)కు తొమ్మిది గుంటల వ్యవసాయ భూమి ఉంది. నర్మెట మండల కేంద్రానికి చెందిన మత్త రవి వద్ద నాలుగు ఎకరాల భూమిని కౌలుకు తీసుకొని పత్తి సాగు చేశాడు. ఇటీవల అకాల వర్షాలతో పత్తి పంట దెబ్బతిన్నది.

దిగుబడి రాకపోవడంతో పెట్టుబడికి చేసిన అప్పు రూ.10 లక్షలు ఎలా తీర్చాలో తెలియక రమేశ్‌ ఆవేదనకు గురయ్యాడు. మరోవైపు ఆరోగ్యం సహకరించకపోవడంతో శనివారం పురుగుల మందుతాగి ఆత్మహత్యకు పాల్పడ్డాడు. బాధితుడిని జనగామలోని దవాఖానకు తరలించగా చికిత్స పొందుతూ మృతి చెందాడు. మృతుడికి భార్య, ఇద్దరు కుమారులు ఉన్నారు. కేసు నమోదు చేసి దర్యాప్తు చేస్తున్నట్టు ఎస్సై దూదిమెట్ల నరేశ్‌యాదవ్‌ తెలిపారు.