జడ్చర్ల ఎమ్మెల్యేపై ఫిర్యాదు

అక్రమంగా మట్టి తరలింపుపై మహబూబ్‌నగర్‌ జిల్లా జడ్చర్ల ఎమ్మెల్యే జనుంపల్లి అనురుధ్‌రెడ్డిపై ఆయన సొంతూరు వాసులు కలెక్టర్‌కు ఫిర్యాదు చేశారు. రాజాపూర్‌ మండలం రంగారెడ్డిగూడ గ్రామ శివారులో 361, 362 సర్వే నంబర్లలో ఇష్టానుసారం మట్టిని తవ్వి తరలిస్తున్నారని స్థానికులు పేర్కొన్నారు.

• అనుమతి లేకుండా మట్టి తరలింపు
• గుర్రాలపై స్వారీకి 15 వేల ట్రాక్టర్ల మొరం
• కలెక్టర్‌కు ఫిర్యాదు చేసిన సొంతూరు వాసులు

రాజాపూర్‌, మే 29 : అక్రమంగా మట్టి తరలింపుపై మహబూబ్‌నగర్‌ జిల్లా జడ్చర్ల ఎమ్మెల్యే జనుంపల్లి అనురుధ్‌రెడ్డిపై ఆయన సొంతూరు వాసులు కలెక్టర్‌కు ఫిర్యాదు చేశారు. రాజాపూర్‌ మండలం రంగారెడ్డిగూడ గ్రామ శివారులో 361, 362 సర్వే నంబర్లలో ఇష్టానుసారం మట్టిని తవ్వి తరలిస్తున్నారని స్థానికులు పేర్కొన్నారు. ఎమ్మెల్యే తన గుర్రాలపై స్వారీ చేయడానికి గ్రామ సమీపంలో ఉన్న సర్వే నంబర్లు 87, 89, 90, 91లోని భూముల్లో నుంచి గుర్రాల కోసం 15 వేల ట్రిప్పుల ట్రాక్టర్ల మొరాన్ని 3 మీటర్ల ఎత్తులో నింపినట్టు రంగారెడ్డిగూడ వాసులు తెలిపారు. ఈ విషయమై బుధవారం వారు కలెక్టర్‌ రవినాయక్‌, మైనింగ్‌ అధికారులకు ఫిర్యాదు చేశారు. మట్టిని అక్రమంగా తరలించిన ఎమ్మెల్యేపై చట్టరీత్యా చర్యలు తీసుకోవాలని కోరినట్టు గ్రామస్థులు ప్రశాంత్‌రెడ్డి, శ్రీనివాస్‌, యాదగిరి, శ్రీను తెలిపారు.