టీచర్ల బదిలీ షెడ్యూల్లో మార్పులు

ఉపాధ్యాయ పదోన్నతులు, బదిలీల షెడ్యూల్‌లో విద్యాశాఖ మార్పులు చేసింది. హైకోర్టు తీర్పు ప్రకారం జీవో-317లో బదిలీ అయిన వారికి పాత సర్వీసును పరిగణనలోకి తీసుకోవాల్సి ఉండటంతో నూతన షెడ్యూల్‌ను పాఠశాల విద్యాశాఖ డైరెక్టర్‌ శ్రీదేవసేన మంగళవారం

• 10 రోజులు ఆలస్యంగా ప్రక్రియ
• కొత్త షెడ్యూల్‌ను విడుదల చేసిన విద్యాశాఖ

హైదరాబాద్‌, ఫిబ్రవరి 7 (నమస్తే తెలంగాణ): ఉపాధ్యాయ పదోన్నతులు, బదిలీల షెడ్యూల్‌లో విద్యాశాఖ మార్పులు చేసింది. హైకోర్టు తీర్పు ప్రకారం జీవో-317లో బదిలీ అయిన వారికి పాత సర్వీసును పరిగణనలోకి తీసుకోవాల్సి ఉండటంతో నూతన షెడ్యూల్‌ను పాఠశాల విద్యాశాఖ డైరెక్టర్‌ శ్రీదేవసేన మంగళవారం విడుదల చేశారు. మొత్తంగా గతంలో ప్రకటించిన షెడ్యూల్‌ కంటే పది రోజులు ఆలస్యంగా ప్రక్రియ కొనసాగనున్నది.

నూతన షెడ్యూల్‌

• ఈ నెల 12 నుంచి 14 వరకు బదిలీల కోసం దరఖాస్తులను ఆన్‌లైన్‌లో స్వీకరిస్తారు. (జీవో-317లో బదిలీ అయిన వారి నుంచి)
• ఈ నెల 14 నుంచి 15 వరకు దరఖాస్తు హార్డ్‌ కాపీలను సమర్పించాలి.
• ఈ నెల 16 నుంచి 17వరకు డీఈవో/ఆర్జేడీ వెబ్‌సైట్లలో బదిలీ పాయింట్లతో ప్రొవిజనల్‌ సీనియారిటీ జాబితాలు, పదోన్నతుల సీనియారిటీ జాబితాలను వెల్లడిస్తారు. ఆన్‌లైన్‌లో అభ్యంతరాలను స్వీకరిస్తారు.
• ఈ నెల 18 నుంచి 20 వరకు అభ్యంతరాలను పరిష్కరిస్తారు.
• ఈ నెల 21,22 తేదీల్లో తుది సీనియారిటీ జాబితాలను ప్రకటిస్తారు. గ్రేడ్‌-2 ప్రధానోపాధ్యాయుల బదిలీలకు వెబ్‌ ఆప్షన్లు ఎంచుకోవాల్సి ఉంటుంది.
• ఈ నెల 23న మల్టీ జోనల్‌ స్థాయిలో ప్రధానోపాధ్యాయులకు వెబ్‌ ఆప్షన్ల ఎడిటింగ్‌, పునఃపరిశీలనకు అవకాశం కల్పిస్తారు.
• ఈ నెల 24న ఆర్జేడీలు మల్టీజోన్‌ వారీగా ప్రధానోపాధ్యాయుల బదిలీ ఉత్తర్వులను విడుదల చేస్తారు.
• ఈ నెల 25న గ్రేడ్‌-2 హెచ్‌ఎంల బదిలీల అనంతరం మిగిలిన ఖాళీల ప్రకటన జారీ చేస్తారు.
• ఈ నెల 26,27,28 తేదీల్లో అర్హత కలిగిన సూల్‌ అసిస్టెంట్స్‌కు ప్రభుత్వ, జిల్లా పరిషత్తు యాజమాన్య పాఠశాలల ప్రధానోపాధ్యాయులుగా పదోన్నతులు కల్పిస్తారు.
• మార్చి 1,2 తేదీల్లో సబ్జెక్ట్‌ వారీగా సూల్‌ అసిస్టెంట్స్‌ ఖాళీల ప్రకటన, బదిలీలకు వెబ్‌ఆప్షన్స్‌ నమోదు ఉంటుంది.
• మార్చి 3న వెబ్‌ ఆప్షన్ల సవరణ, పునఃపరిశీలన
• మార్చి 4,5 తేదీల్లో డీఈవోలు సూల్‌ అసిస్టెంట్స్‌ బదిలీలు చేపడుతారు.
• మార్చి 6న సూల్‌ అసిస్టెంట్స్‌ బదిలీల అనంతరం ఏర్పడిన ఖాళీలను ప్రకటిస్తారు.
• మార్చి 7,8,9 తేదీల్లో ఎస్జీటీ తత్సమాన క్యాటగిరీ ఉపాధ్యాయులకు, కోర్టు కేసులు లేని సబ్జెక్టులకు మాన్యువల్‌ కౌన్సెలింగ్‌ ద్వారా సూల్‌ అసిస్టెంట్‌గా (ఎస్‌ఏ) పదోన్నతులు కల్పిస్తారు.
• మార్చి 10 నుంచి 12 వరకు ఎస్జీటీ తత్సమాన పోస్టుల ఖాళీల ప్రకటన, వెబ్‌ఆప్షన్స్‌ నమోదు.
• మార్చి 13న వెబ్‌ ఆప్షన్ల సవరణ, పునఃపరిశీలనకు అవకాశం కల్పిస్తారు.
• మార్చి 14న ఎస్జీటీ తత్సమాన క్యాటగిరీ ఉపాధ్యాయుల బదిలీలు చేపడుతారు.
• మార్చి 16 నుంచి 30 వరకు డీఈవో ఇచ్చిన బదిలీ ఉత్తర్వులపై 10 రోజుల్లో అప్పీళ్లు, అభ్యంతరాలను ఆర్జేడీకి, ఆర్జేడీ ఉత్తర్వులపై అప్పీళ్లు/ అభ్యంతరాలను డీఎస్‌ఈకి పంపాలి. సంబంధిత అధికారులు 15 రోజుల్లో వాటిని పరిషరించాలి.