హైస్కూళ్ల పనివేళల్లో మార్పు

ప్రభుత్వ ఉన్నత పాఠశాలల పనివేళల్లో స్వల్ప మార్పులు చేస్తూ విద్యాశాఖ శనివారం ఉత్తర్వులు జారీ చేసింది. ఇక నుంచి ఉదయం 9 నుంచి సాయంత్రం 4.15 గంటల వరకు పని చేయనున్నాయి.

• ఇకపై 9 నుంచి 4.15 గంటల వరకే
• జంటనగరాల్లో మాత్రం యథావిధిగా

హైదరాబాద్‌, జూలై 20 (నమస్తే తెలంగాణ): ప్రభుత్వ ఉన్నత పాఠశాలల పనివేళల్లో స్వల్ప మార్పులు చేస్తూ విద్యాశాఖ శనివారం ఉత్తర్వులు జారీ చేసింది. ఇక నుంచి ఉదయం 9 నుంచి సాయంత్రం 4.15 గంటల వరకు పని చేయనున్నాయి. ఇంతకుముందు హైస్కూళ్లు ఉదయం 9.30 నుంచి సాయంత్రం 4.45 గంటల వరకు పని చేశాయి. ప్రాథమిక, ప్రాథమికోన్నత పాఠశాలలు యథావిధిగా ఉదయం 9 నుంచి సాయంత్రం 4.15 గంటల వరకు, హైదరాబాద్‌, సికింద్రాబాద్‌ జంట నగరాల్లో కూడా యథావిధిగా ఉదయం 8.45 నుంచి సాయంత్రం 4 గంటల వరకు కొనసాగుతాయి. ట్రాఫిక్‌ కారణాల దృష్ట్యా హైదరాబాద్‌, సికింద్రాబాద్‌ జంట నగరాల్లో పాఠశాలల సమయాన్ని మార్చలేదని ఉత్తర్వులో పేర్కొన్నారు.

ఇంకా చదవల్సిన వార్తలు

డీఎస్సీకి 84% మంది హాజరు
హైదరాబాద్‌, జూలై 20 (నమస్తే తెలంగాణ): ఉపాధ్యాయ పోస్టుల భర్తీకి నిర్వహిస్తున్న డీఎస్సీ ప్రశాంతంగా జరుగుతున్నట్టు పాఠశాల విద్యాశాఖ సంచాలకుడు ఈవీ నరసింహారెడ్డి తెలిపారు. మూడోరోజు శనివారం నిర్వహించిన ఆన్‌లైన్‌ పరీక్షలకు 84 శాతం మంది హాజరైనట్టు పేర్కొన్నారు. 3,504 మందికి 2,931 మంది హాజరయ్యారని, 573 మంది(16శాతం) మంది గైర్హాజరయ్యారని వివరించారు. 11,062 టీచర్‌ పోస్టుల భర్తీకి ప్రభుత్వం ఫిబ్రవరిలో డీఎస్సీ నోటిఫికేషన్‌ ఇచ్చింది.

‘విద్యుత్తు ఉద్యోగులకు పదోన్నతులు కల్పించండి’
హైదరాబాద్‌, జూలై 20 (నమస్తే తెలంగాణ): విద్యుత్తు రంగంలో సుదీర్ఘకాలంగా ఎదురుచూస్తున్న ఉద్యోగులకు వెంటనే ప్రమోషన్లు కల్పించాలని తెలంగాణ ఎలక్ట్రిసిటీ ఎంప్లాయీస్‌ జాయింట్‌ యాక్షన్‌ కమిటీ (జేఏసీ) డిమాండ్‌ చేసింది. ప్రమోషన్ల కోసం ఏడేండ్లుగా ఎదురుచూస్తున్నారని తెలిపింది. శనివారం జేఏసీ కన్వీనర్‌ ఎన్‌ శివాజీ, కో చైర్మన్‌ పీ అంజయ్య ఆధ్వర్యంలో సభ్యులు టీజీ ఎస్పీడీసీఎల్‌ సీఎండీ ముషారఫ్‌ అలీతో సమావేశమయ్యారు. 30 ఏండ్ల సర్వీసు చేసి సీనియారిటీ ఉండి కూడా ఓ ఉద్యోగి ప్రమోషన్‌ లేకుండా రిటైర్డ్‌ కావడం బాధాకరమని వాపోయారు. అనంతరం డిమాండ్లతో కూడిన వినతిపత్రాన్ని సీఎండీకి అందజేశారు. సమావేశంలో జేఏసీ నాయకులు రామేశ్వర్‌శెట్టి, నాజర్‌షరీఫ్‌, కరెంట్‌రావు, పీఎం రాజు, రామకృష్ణారెడ్డి, కే వెంకటేశ్‌, రాజేశ్‌, లక్ష్మయ్య, అక్బర్‌ పాల్గొన్నారు.