సీఎంను కలిసిన మీడియా అకాడమీ చైర్మన్‌

రాష్ట్ర ముఖ్యమంత్రి రేవంత్‌రెడ్డితో తెలంగాణ మీడియా అకాడమీ చైర్మన్‌ కే శ్రీనివాస్‌రెడ్డి ఆదివారం సమావేశమయ్యారు. ఈ సందర్భంగా జర్నలిస్టుల సంక్షేమంపై చర్చించినట్టు తెలిసింది.

• జర్నలిస్టుల సంక్షేమంపై చర్చ

హైదరాబాద్‌, సెప్టెంబర్‌ 1(నమస్తే తెలంగాణ): రాష్ట్ర ముఖ్యమంత్రి రేవంత్‌రెడ్డితో తెలంగాణ మీడియా అకాడమీ చైర్మన్‌ కే శ్రీనివాస్‌రెడ్డి ఆదివారం సమావేశమయ్యారు. ఈ సందర్భంగా జర్నలిస్టుల సంక్షేమంపై చర్చించినట్టు తెలిసింది. 8న రవీంద్రభారతిలో నిర్వహించనున్న జేఎన్‌జేహెచ్‌ఎస్‌ స్థలాల అప్పగింత కార్యక్రమంపై, రాష్ట్రంలో జర్నలిస్టులకు ఇళ్ల స్థలాలు, ఆరోగ్య పథకం ఇతర సంక్షేమాలకు సంబంధించిన అంశాలపై చర్చ జరిగినట్టు సమాచారం.

ఐసెట్‌ వెబ్‌ కౌన్సెలింగ్‌ ప్రారంభం

హైదరాబాద్‌, సెప్టెంబర్‌ 1 (నమస్తే తెలంగాణ): ఐసెట్‌ వెబ్‌ కౌన్సెలింగ్‌ ఆదివారం నుంచి ప్రారంభమైంది. తొలిరోజు 3,057 మంది కౌన్సెలింగ్‌కు హాజరయ్యారు. 8 వరకు ప్రాసెసింగ్‌ ఫీజును చెల్లించి స్లాట్‌ బుక్‌ చేసుకోవచ్చు. 3 నుంచి 9వరకు సర్టిఫికెట్‌ వెరిఫికేషన్‌ను చేపడతారు.