Visit:
Bus Accident | తెలంగాణలో మరో ఆర్టీసీ బస్సు ప్రమాదానికి గురైంది. కారును ఓవర్ టేక్ చేసే క్రమంలో అదుపుతప్పిన బస్సు డివైడర్‌ను ఢీకొట్టి అవతలి వైపు దూసుకెళ్లింది. హైదరాబాద్ శివారు ఘట్‌కేసర్‌ పోలీస్ స్టేషన్ పరిధిలో ఈ ఘటన చోటుచేసుకుంది.
వివరాల్లోకి వెళ్తే.. వరంగల్ నుంచి హైదరాబాద్‌కు వస్తున్న ఓ ఆర్టీసీ బస్సు డ్రైవర్‌ ఔషాపూర్ వద్ద ఓ కారును ఓవర్‌టేక్‌ చేసేందుకు ప్రయత్నించాడు. ఈ క్రమంలో బస్సు అదుపుతప్పింది. డివైడర్‌ను ఢీకొట్టి అవతలివైపునకు దూసుకెళ్లింది. అవతలి పక్కన రోడ్డు చివరలో ఉన్న రైలింగ్‌ను ఢీకొట్టి బస్సు ఆగిపోయింది. ఈ ప్రమాదంలో ప్రయాణికులు సురక్షితంగా బయటపడ్డారు. దీంతో వాహనాల రాకపోకలకు ఇబ్బంది ఏర్పడింది. విషయం తెలుసుకున్న పోలీసులు ఘటనాస్థలికి చేరుకుని ట్రాఫిక్‌ను క్లియర్‌చేశారు.
మరో ఆర్టీసీ బస్సు ప్రమాదం
వరంగల్–హైదరాబాద్ ప్రధాన రహదారిపై, ఘట్ కేసర్ పోలీస్ స్టేషన్ పరిధిలోని ఔషాపూర్ వద్ద, కారును ఓవర్ టేక్ చేసే క్రమంలో అదుపుతప్పి డివైడర్ ను ఢీకొట్టి అవతలివైపు దూసుకెళ్లిన ఆర్టీసీ బస్సు
పక్కనే ఉన్న రైలింగ్ ఢీకొట్టి ఆగిపోయిన బస్సు, సురక్షితంగా ప్రాణాలతో… pic.twitter.com/lTObi8EdDM
— Telugu Scribe (@TeluguScribe) November 7, 2025
