డిగ్రీలో నిరంతర మూల్యాంకనం

డిగ్రీ కోర్సుల్లో మూస చదువులు, మూస పరీక్షల విధానానికి ముగింపు పలి కే దిశగా ఉన్నత విద్యామండలి కీలక నిర్ణయం తీసుకున్నది. ఆవిష్కరణలను విస్తృతంగా ప్రోత్సహించాలని, డిగ్రీలో నిరంతర మూల్యాంకనాన్ని ప్రవేశపెట్టాలని నిర్ణయించింది. మూల్యాంకన విధానంలోనూ సమూల మార్పులు తీసుకురానున్నారు. శుక్రవారం మాసబ్‌ట్యాంక్‌లోని ఉన్నత విద్యామండలి కార్యాలయంలో రాష్ట్రంలోని ఏడు యూనివర్సిటీల వీసీలతో సమావేశాన్ని నిర్వహించారు.

• గ్రూప్‌ డిస్కషన్లు, సెమినార్లు, ప్రాజెక్ట్‌లు, ఇన్నోవేషన్లకు మార్కులు
• ప్రతి వర్సిటీలో సెంటర్‌ ఫర్‌ ఇన్నోవేషన్‌ సెంటర్లు
• క్రెడిట్ల విధానాన్ని 60:40కి తగ్గించే అవకాశం
• 50 కాలేజీల్లో బీఎస్సీ ఆనర్స్‌ కంప్యూటర్‌ సైన్స్‌
• అన్ని కోర్సుల వారికి సైబర్‌ సెక్యూరిటీపై పేపర్‌
• వీసీలతో సమావేశంలో పలు కీలక నిర్ణయాలు

హైదరాబాద్‌, జూన్‌ 9 (నమస్తే తెలంగాణ): డిగ్రీ కోర్సుల్లో మూస చదువులు, మూస పరీక్షల విధానానికి ముగింపు పలి కే దిశగా ఉన్నత విద్యామండలి కీలక నిర్ణయం తీసుకున్నది. ఆవిష్కరణలను విస్తృతంగా ప్రోత్సహించాలని, డిగ్రీలో నిరంతర మూల్యాంకనాన్ని ప్రవేశపెట్టాలని నిర్ణయించింది. మూల్యాంకన విధానంలోనూ సమూల మార్పులు తీసుకురానున్నారు. శుక్రవారం మాసబ్‌ట్యాంక్‌లోని ఉన్నత విద్యామండలి కార్యాలయంలో రాష్ట్రంలోని ఏడు యూనివర్సిటీల వీసీలతో సమావేశాన్ని నిర్వహించారు. సమావేశంలో విద్యాశాఖ కార్యదర్శి వాకాటి కరుణ, కళాశాల విద్యాశాఖ కమిషనర్‌ నవీన్‌మిట్టల్‌, ఉన్నత విద్యామండలి చైర్మన్‌ ప్రొఫెసర్‌ ఆర్‌ లిం బాద్రి, వైస్‌ చైర్మన్‌ ప్రొఫెసర్‌ వెంకటరమణ, కార్యదర్శి డాక్టర్‌ ఎన్‌ శ్రీనివాస్‌రావు, వీసీలు డీ రవీందర్‌యాదవ్‌, తాటికొండ రమేశ్‌, గోపాల్‌రెడ్డి, ఎస్‌ మల్లేశ్‌, డీ రవీందర్‌, విద్యుల్లత, ఇం డియన్‌ స్కూల్‌ ఆఫ్‌ బిజినెస్‌ (ఐఎస్‌బీ) ప్రతినిధులు డాక్టర్‌ చంద్రశేఖర్‌ శ్రీపాద, గరిమ మాలిక్‌ తదితరులు పాల్గొన్నారు. మూల్యాంకన విధానంపై ఐఎస్‌బీ సమర్పించిన నివేదికపై చర్చించారు.

వీసీల సమావేశం నిర్ణయాలు

• తరగతి గదుల్లో నిర్వహించే గ్రూప్‌ డిస్కషన్లు, సెమినా ర్లు, ప్రజెంటేషన్లు, ప్రాజెక్ట్‌ వర్క్‌, ఇన్నోవేషన్‌ ప్రాజెక్టులు మూ ల్యాంకనంలో అంతర్భాగం. వీటికి సైతం మార్కులు
• ఏడు వర్సిటీల్లో ఇన్నోవేషన్‌ కేంద్రాలను ఏర్పాటుచేస్తా రు. ‘సెంటర్‌ ఫర్‌ ఇన్నోవేషన్‌ ఇన్‌ అసెస్‌మెంట్‌ అండ్‌ ఎవల్యూషన్‌’ పేరుతో ఏర్పాటుచేసే ఈ కేంద్రాలు ప్రొఫెసర్ల ఆధ్వర్యంలో పనిచేస్తాయి. మూల్యాంకన సంస్కరణల అమలును ఈ కేంద్రం పర్యవేక్షిస్తుంది.
• క్రెడిట్ల విధానంలోనూ మార్పులు చేస్తారు. ప్రస్తుతం సె మిస్టర్‌ పరీక్షలకు 80 మార్కులు, ఇంటర్నల్స్‌ను 20 మా ర్కులకు అమలు చేస్తుండగా, దీనిని 60:40కి తగ్గిస్తారు.
• బీటెక్‌ కంప్యూటర్‌ సైన్స్‌తో సమానమైన బీఎస్సీ (ఆనర్స్‌) కంప్యూటర్‌ సైన్స్‌ కోర్సును 50కి పైగా కాలేజీల్లో ప్రవేశపెడతారు. 10 అటానమస్‌ కాలేజీల్లో 50 సీట్లతో ఈ కోర్సు ను ప్రారంభించి, దోస్త్‌ ద్వారా సీట్లను భర్తీ చేస్తారు. మూ డో సంవత్సరంలో వైదొలిగిన వారికి రెగ్యులర్‌ డిగ్రీ, నాలుగేండ్లు పూర్తిచేసిన వారికి ఆనర్స్‌ డిగ్రీని ప్రదా నం చేస్తారు.
• డిగ్రీలో అన్ని కోర్సుల వారికి సైబర్‌ సెక్యూరిటీ పేపర్‌ను తప్పనిసరి చేశారు. తెలంగాణ పోలీసులు, నల్సార్‌ వర్సి టీ, ఐఐటీ హైదరాబాద్‌, జేఎన్టీయూ, ఓయూ నిపుణులతో దీనిని నిర్వహిస్తారు. ఈ పేపర్‌కు నాలుగు క్రెడిట్స్‌ ఉంటాయి. దీనిని డిగ్రీ రెండవ, మూడవ సంవత్సరం విద్యార్థులు చదవాల్సి ఉంటుంది.