Visit:
KTR | హైద‌రాబాద్ : న‌ల్ల‌గొండ జిల్లా యాదాద్రి థర్మల్ పవర్ స్టేషన్ (YTPS) ప్రారంభానికి సిద్ధ‌మైంది. ఈ పవర్ స్టేష‌న్‌ను శ‌నివారం జాతికి అంకితం చేయ‌నున్నారు. ఈ నేప‌థ్యంలో ఇదీ తెలంగాణ చరిత్రపైన కేసీఆర్ చేసిన చెరగని మరో సంతకం అని పేర్కొంటూ వైటీపీఎస్‌పై కేటీఆర్ ట్వీట్ చేశారు.
ఇదీ కేసీఆర్ ఆనవాళ్లు..! నల్గొండ జిల్లాలో యాదాద్రి థర్మల్ పవర్ స్టేషన్ (YTPS) రేపు ప్రారంభమవుతున్న సందర్భంలో ఈ పవర్ ప్లాంట్ నిర్మాణం వెనక ఉన్న కేసీఆర్ దార్శనికత, కృషి తెలంగాణ ప్రజలకు చిరకాలం గుర్తుంటుంది అని కేటీఆర్ పేర్కొన్నారు. యాదాద్రి థర్మల్ పవర్ స్టేషన్ కేసీఆర్ దీర్ఘ దృష్టికి, భారీ ప్రాజెక్టులను పూర్తి చేయడంలో అనితరసాధ్యమైన వేగానికి మరొక ఉదాహరణ అని కొనియాడారు.
వైటీపీఎస్ పూర్తి సామర్థ్యం 4000 మెగావాట్లు (5×800).. స్వతంత్య్ర భారత చరిత్రలోనే ఒక రాష్ట్ర ప్రభుత్వ నిర్వహణలో ఉన్న అతిపెద్ద థర్మల్ పవర్ ప్లాంట్ ఇదే అని కేటీఆర్ తెలిపారు. వైటీపీఎస్ నిర్మాణాన్ని బీఆర్ఎస్ ప్రభుత్వం బీహెచ్ఈఎల్‌కు అప్పగించింది. దాదాపు రూ.20,400 కోట్లు విలువైన ఆర్డర్, భారత విద్యుత్ రంగ చరిత్రలో ఒక ప్రభుత్వ రంగ సంస్థకు ఇవ్వబడిన అత్యంత విలువైన ఆర్డర్‌గా నిలిచిందని కేటీఆర్ పేర్కొన్నారు.
నిత్య కరెంట్ కోతలు, వారానికి రెండు రోజుల పవర్ హాలీడేల దుస్థితి నుంచి అన్ని రంగాలకు 24 గంటల నిరంతర విద్యుత్ సరఫరా చేసేలా తెలంగాణను తీర్చిదిద్దిన కేసీఆర్ దార్శనితకలో ఒక భాగమే యాదాద్రి పవర్ ప్లాంట్. 2014లో కేవలం 7778 మెగావాట్ల స్థాపిత సామర్థ్యం మాత్రమే ఉండగా, బీఆర్ఎస్ ప్రభుత్వం దశాబ్ద కాలంలో తెలంగాణలో స్థాపిత సామర్థ్యాన్ని దాదాపు 20,000 మెగావాట్లకు చేరుకొనేలా చేసింది.. ఇది దేశ చరిత్రలో ఎన్నడూ చూడని విజయగాథ అని కేటీఆర్ ప్ర‌శంసించారు.
ఇదీ కేసీఅర్ అనవాలు!
నల్గొండ జిల్లా యాదాద్రి థర్మల్ పవర్ స్టేషన్ (YTPS) రేపు ప్రారంభమవుతున్న సందర్భంలో ఈ పవర్ ప్లాంట్ నిర్మాణం వెనక ఉన్న కేసీఆర్ గారి దార్శనికత, కృషి తెలంగాణ ప్రజలకు చిరకాలం గుర్తుంటుంది.
⚡⚡ యాదాద్రి థర్మల్ పవర్ స్టేషన్ కే‌సి‌ఆర్ గారి దీర్ఘ దృష్టికి, భారీ… pic.twitter.com/KAXIWwsL3g
— KTR (@KTRBRS) December 6, 2024
ఇవి కూడా చ‌ద‌వండి..
KTR | ఎంత అవ‌మానం.. రాహుల్ గాంధీ జీ..? కేటీఆర్
KTR | ఇది దళితుల మీద కక్ష్యా..? మహనీయులు అంబేద్కర్ మీద వివక్షా..? : కేటీఆర్
