Visit:
BRS Working President KTR | కాంగ్రెస్ పార్టీ నాయ‌కురాలు సోనియాగాంధీ జ‌న్మ దిన వేడుక‌ల‌ను తెలంగాణ తల్లి అవ‌త‌ర‌ణ దినోత్స‌వంగా జ‌రుపుతారా..? బీఆర్ఎస్ వ‌ర్కింగ్ ప్రెసిడెంట్ కేటీఆర్ మండి ప‌డ్డారు. రేవంత్.. సోనియా బర్త్ డే ను అధికారికంగా జరపడం కోసమా ఈ తతంగమంతా` అని ఎక్స్ వేదిక‌గా పోస్ట్ పెట్టారు.
`మీ కాంగ్రెస్ తల్లి బర్త్ డే కోసం.. మా తెలంగాణ తల్లిని బలిచేస్తావా..!!` అని కేటీఆర్ ప్ర‌శ్నించారు. `అంత అభిమానం ఉంటే మీ గాంధీ భవన్ లో జరుపుకో.. లేదా ఢిల్లీ వెళ్లి 10 జ‌న్‌ప‌థ్‌లో చేసుకో.. అంతేకానీ..
మీ పార్టీ జరుపుకోవాల్సిన బర్త్ డే ఫంక్షన్‌ను తెలంగాణ ప్రజలపై బలవంతంగా రుద్దుతావా ??` అని నిల‌దీశారు.
`ఒకప్పుడు బలిదేవత అన్నావ్.. ఇప్పుడు బర్త్ డే జరుపుతా అంటున్నావ్.. నీ నరానికి నాలుక ఉండక పోవచ్చు.. కానీ.. తెలంగాణ ప్రజలకు ఆత్మగౌరవం ఉంది` అని కేటీఆర్ స్ప‌ష్టం చేశారు. `పార్టీలు మార్చినంత ఈజీగా విగ్రహాల రూపురేఖలు మార్చవచ్చని అనుకోవడం నీ మూర్ఖత్వం. తెలంగాణ తల్లి దివ్య స్వరూపాన్ని కోట్లాది గుండెల నుంచి చెరిపేయొచ్చని అనుకోవడం నీ అమాయకత్వం. జై తెలంగాణ.. జై తెలంగాణ తల్లి` అని కేటీఆర్ పేర్కొన్నారు.
