Visit:
Teacher beats Nursery Student : అప్పుడప్పుడే బడికి అలవాటు అవుతున్న నర్సరీ చిన్నారిపై ఓ టీచర్ అమానుషంగా ప్రవర్తించింది. చిన్నపిల్లాడన్న కనికరం కూడా లేకుండా ఇష్టారీతిన అతడిని కొట్టింది. ఆదిలాబాద్ జిల్లా బోథ్లోని ఓ ప్రైవేట్ స్కూల్లో జరిగిందీ సంఘటన. నర్సరీ చదువుతున్న ఓ చిన్నారిని టీచర్ చితకబాదిన ఘటన ఆలస్యంగా వెలుగులోకి వచ్చింది.
ఆదిలాబాద్ జిల్లా బోథ్లోని ఓ ప్రైవేట్ స్కూల్లో.. చిన్నపిల్లలను తల్లిలా ప్రేమగా చూసుకోవాల్సిన టీచర్ కోపిష్టిలా మారి ఓ బాలుడిని చితకబాదింది. చిన్నారి చెవి మెలితిప్పుతూ, కర్రతో కొడుతూ, చెంపలు, వీపుపై పిడిగుద్దులతో విరుచుకుపడిందా టీచర్.
ఇంటికి వెళ్లిన తర్వాత తమ బాలుడి ఒంటిపై చర్మం కమిలిపోయి.. ఎర్రగా కందిపోయిన గుర్తులు కనిపించడంతో తల్లిదండ్రులు స్కూల్లో ఏం జరిగింది? అని ఆరా తీశారు. సీసీటీవీ ఫుటేజీలో టీచర్ తమ బిడ్డను విచక్షణ రహితంగా కొడుతున్న దృశ్యాలు చూసి వారు షాకయ్యారు. సదరు టీచర్పై చిన్నారి తల్లిదండ్రలు పోలీసులకు ఫిర్యాదు చేశారు. కేసు నమోదు చేసిన పోలీసులు దర్యాప్తు చేస్తున్నారు.
Sensitive Content
సీసీటీవీ ఫుటేజ్..!
నర్సరీ చదువుతున్న చిన్నారిని చితకబాదిన టీచర్
ఆదిలాబాద్ జిల్లా బోథ్లోని ఓ ప్రైవేట్ స్కూల్లో నర్సరీ చదువుతున్న ఓ చిన్నారిని చితకబాదిన లేడీ టీచర్
ఆలస్యంగా వెలుగులోకి వచ్చిన ఘటన
చెవి మెలితిప్పుతూ, కర్రతో కొడుతూ, చెంపలు, వీపుపై పిడిగుద్దులు… pic.twitter.com/ihocsiEenT
— Telugu Scribe (@TeluguScribe) August 28, 2026
