Visit:
హైదరాబాద్‌, నవంబర్‌ 29 (నమస్తే తెలంగాణ) : కేసీఆర్‌.. తన ప్రాణాలను సైతం లెక్కచేయకుండా తెలంగాణ రాష్ట్రాన్ని సాధించారు అని బీఆర్‌ఎస్‌ మైనారిటీ నేతలు అన్నారు. చార్మినార్‌ వద్ద శనివారం కేసీఆర్‌ చిత్రపటానికి క్షీరాభిషేకం చేశారు. ఈ సందర్భంగా దీక్షా దివస్‌కు సంబంధించి 11 రోజుల కార్యక్రమాలను ప్రారంభించారు. ఈ సందర్భంగా కార్యక్రమం స్టీరింగ్‌ కమిటీ కన్వీనర్‌ అల్హాజ్‌ మౌల్వీ వహీద్‌ మాట్లాడుతూ.. తెలంగాణ ప్రజలు శనివారం చారిత్రాత్మక దినోత్సవం జరుపుకుంటున్నారు అని పేర్కొన్నారు.
కేసీఆర్‌ వల్లే మనం తెలంగాణ అనే కొత్త రాష్ట్రంలోకి ప్రవేశించామని తెలిపారు. ఈ కార్యక్రమంలో మహ్మద్‌ ఇలియాస్‌ ఖురేషీ, సయ్యద్‌ ఫహీం, మహ్మద్‌ అస్లాం, మీర్జా అస్సు బేగ్‌, ముజాహిద్‌ ఖురేషీ, మహ్మద్‌ అజాజ్‌, మహ్మద్‌ ఫజల్‌, మహ్మద్‌ జమాల్‌ఖాస్‌, మహ్మద్‌ అలీ, తదితరులు పాల్గొన్నారు.
