Balapur Ganesh | మరికాసేపట్లో బాలాపూర్‌ గణేష్‌ లడ్డూ వేలం.. కొనసాగుతున్న ఊరేగింపు

బాలాపూర్‌ బడా గణపతి (Balapur Ganesh) ఊరేగింపు కొనసాగుతున్నది. గణేషుడిని భజనబృందం పాటలు, డప్పు చప్పుళ్ల సందడి నడుమ ప్రధాన వీధుల్లో ఊరేగిస్తున్నారు. అనంతరం బాలాపూర్‌ ముఖ్య కూడలిలోని బొడ్రాయి వద్ద లడ్డూ వేలం పాట నిర్వహిస్తారు.

హైదరాబాద్‌: బాలాపూర్‌ బడా గణపతి (Balapur Ganesh) ఊరేగింపు కొనసాగుతున్నది. గణేషుడిని భజనబృందం పాటలు, డప్పు చప్పుళ్ల సందడి నడుమ ప్రధాన వీధుల్లో ఊరేగిస్తున్నారు. అనంతరం బాలాపూర్‌ ముఖ్య కూడలిలోని బొడ్రాయి వద్ద లడ్డూ వేలం పాట నిర్వహిస్తారు. ఉదయం 9.30 గంటలకు లడ్డూ వేలంపాట ప్రారంభమవుతుంది. ఉదయం 11 గంటలకు ట్యాంక్‌బండ్ వైపు బాలాపూర్ గణేశుడి శోభాయాత్ర ప్రారంభమవుతుంది. 16 కిలోమీటర్ల మేర శోభాయాత్ర సాగనుంది.

కాగా, ఈ ఏడాదితో బాలాపూర్ గణేష్‌ లడ్డూ వేలంపాట 30 ఏళ్లు పూర్తి చేసుకున్నది. లడ్డూకు ఉన్న డిమాండ్‌ను దృష్టిలో పెట్టుకొని తొలిసారిగా నిర్వాహకులు వేలంలో కొత్త నిబంధనను తీసుకువచ్చారు. లడ్డూ వేలంలో పాల్గొనే ఆసక్తి ఉన్నవారు ముందస్తుగా డబ్బును డిపాజిట్‌ చేయాలని నిబంధనను తెచ్చారు. బాలాపూర్‌లో గణేషుడికి భారీ లడ్డూ నైవేద్యంగా పెట్టే సంప్రదాయం 1980లో మొదలైంది. లడ్డూవేలాన్ని తొలిసారిగా 1994లో నిర్వహించారు. రూ.450తో ప్రారంభమైన లడ్డూ వేలం ఏయేడాది కాయేడు రికార్డు ధరల పలుకుతూ లడ్డూ ప్రసాదం రూ.వందల నుంచి రూ.లక్షలకు చేరింది. గతేడాది స్థానికేతరుడైన దాసరి దయానంద్‌ రెడ్డి రూ.27 లక్షలకు దక్కించుకున్నాడు. ఈ ఏడాది రూ.30 లక్షలు ధర పలుకుతుందని అంచనా వేస్తున్నారు.

లడ్డూ వేలం-విజేతలు

• 1994లో కొలను మోహన్‌రెడ్డి- రూ.450
• 1995లో కొలను మోహన్‌రెడ్డి- రూ.4,500
• 1996లో కొలను కృష్ణారెడ్డి- రూ.18 వేలు
• 1997లో కొలను కృష్ణారెడ్డి- రూ.28 వేలు
• 1998లో కొలన్‌ మోహన్‌ రెడ్డి లడ్డూ- రూ.51 వేలు
• 1999 కళ్లెం ప్రతాప్‌ రెడ్డి- రూ.65 వేలు
• 2000 కొలన్‌ అంజిరెడ్డి- రూ.66 వేలు
• 2001 జీ. రఘనందన్‌ రెడ్డి- రూ.85 వేలు
• 2002లో కందాడ మాధవరెడ్డి- రూ.1,05,000
• 2003లో చిగిరినాథ బాల్‌ రెడ్డి- రూ.1,55,000
• 2004లో కొలన్‌ మోహన్‌ రెడ్డి- రూ.2,01,000
• 2005లో ఇబ్రహీ శేఖర్‌- రూ.2,08,000
• 2006లో చిగురింత తిరుపతి- రెడ్డి రూ.3 లక్షలు
• 2007లో జీ రఘనాథమ్‌ చారి- రూ.4,15000
• 2008లో కొలన్‌ మోహన్‌ రెడ్డి- రూ.5,07,000
• 2009లో సరిత- రూ.5,10,000
• 2010లో కొడాలి శ్రీదర్‌ బాబు- రూ.5,35,000
• 2011లో కొలన్‌ బ్రదర్స్‌- రూ.5,45,000
• 2012లో పన్నాల గోవర్ధన్‌ రెడ్డి- రూ.7,50,000
• 2013లో తీగల కృష్ణారెడ్డి- రూ.9,26,000
• 2014లో సింగిరెడ్డి జైహింద్‌ రెడ్డి- రూ.9,50,000
• 2015లో కొలన్‌ మధన్‌ మోహన్‌ రెడ్డి- రూ.10,32,000
  2016లో స్కైలాబ్‌ రెడ్డి- రూ.14,65,000
• 2017లో నాగం తిరుపతి రెడ్డి- రూ.15 లక్షల 60 వేలు
• 2018లో తేరేటి శ్రీనివాస్‌ గుప్తా- రూ.16,60,000
• 2019లో కొలను రామిరెడ్డి- రూ.17 లక్షల 60 వేలు
• 2020లో కరోనా కారణంగా లడ్డూ వేలం పాట రద్దు
• 2021లో మర్రి శశాంక్‌ రెడ్డి, ఏపీ ఎమ్మెల్సీ రమేశ్‌ యాదవ్‌- రూ.18.90 లక్షలు
• 2022లో వంగేటి లక్ష్మారెడ్డి- రూ.24,60,000
• 2023లో దాసరి దయానంద్‌ రెడ్డి- రూ.27 లక్షలు