Assembly Budget Session | ఆరు గ్యారెంటీల అమ‌లుకు రూ. 53,196 కోట్లు..

చ్చే ఆర్థిక సంవత్సరానికిగాను రూ.2,75,891 కోట్లతో బడ్జెట్‌ను మంత్రి భట్టువిక్రమార్క (Minister Bhatti Vikramarka) ప్రవేశపెట్టారు. ఇందులో కాంగ్రెస్ పార్టీ ఎన్నికల హామీలైన ఆరు గ్యారెంటీల అమ‌లుకు రూ. 53,196 కోట్లు ప్రతిపాదించారు.

హైదరాబాద్‌: వచ్చే ఆర్థిక సంవత్సరానికిగాను రూ.2,75,891 కోట్లతో బడ్జెట్‌ను మంత్రి భట్టువిక్రమార్క (Minister Bhatti Vikramarka) ప్రవేశపెట్టారు. ఇందులో కాంగ్రెస్ పార్టీ ఎన్నికల హామీలైన ఆరు గ్యారెంటీల అమ‌లుకు రూ. 53,196 కోట్లు ప్రతిపాదించారు. ఈ కేటాయింపు ఒక ప్రాథ‌మిక అంచ‌నా ప్రకారమే చేశామని మంత్రి అన్నారు. హామీల‌కు సంబంధించిన విధివిధానాల‌ను రూపొందించే ప‌ని ఇంకా కొన‌సాగుతున్నందున‌, అది పూర్తయిన వెంట‌నే అమ‌లుకు అవ‌స‌ర‌మైన పూర్తి నిధులు కేటాయిస్తామని చెప్పారు. అదేవిధంగా..
ఎస్సీ గురుకులాల భ‌వ‌న నిర్మాణాల‌కు- రూ.1000 కోట్లు
ఎస్టీ గురుకులాల భ‌వ‌న నిర్మాణాల‌కు- రూ.250 కోట్లు
ఎస్సీ సంక్షేమానికి- రూ.21,874 కోట్లు
ఎస్టీ సంక్షేమానికి- రూ.13,313 కోట్లు
మైనార్టీ సంక్షేమానికి- రూ.2,262 కోట్లు
బీసీ గురుకులాల సొంత భ‌వ‌నాల నిర్మాణానికి- రూ.1,546 కోట్లు
బీసీ సంక్షేమానికి- రూ.8,000 కోట్ల చొప్పున కేటాయించారు.