దళితుల పురోగతికి భరోసా

• దళితబంధుకు 2,007.60 కోట్లు విడుదల
• ఎస్సీ స్పెషల్‌ డెవలప్‌మెంట్‌ చట్టం
• అంబేద్కర్‌ ఓవర్సీస్‌ స్కాలర్‌షిప్‌
• కింద రూ.20 లక్షలు సాయం

దళితసాధికారత కోసం ప్రభుత్వం అత్యంత ప్రతిష్ఠాత్మకంగా దళితబంధు పథకాన్ని ప్రవేశపెట్టింది. హుజూరాబాద్‌ నియోజకవర్గానికి రూ.2 వేల కోట్లు, వాసాలమర్రి గ్రామానికి రూ.7.60 కోట్లు ఇప్పటికే విడుదల అయ్యాయి. వీటితోపాటు ఖమ్మం, సూర్యాపేట, నాగర్‌కర్నూల్‌, కామారెడ్డి జిల్లాల్లో ఒక్కో మండలాన్ని పైలట్‌ ప్రాజెక్టుగా ప్రభుత్వం చేపట్టిన విషయం తెలిసిందే. కల్యాణలక్ష్మి, బీఆర్‌ అంబేద్కర్‌ ఓవర్సీస్‌ స్కాలర్‌షిప్స్‌ అందిస్తూ ఎస్సీ సంక్షేమంలో దేశానికే మార్గదర్శనం చేస్తున్నది. శుక్రవారం అసెంబ్లీలో సంక్షేమ రంగంపై జరిగిన చర్చ సందర్భంగా ప్రభుత్వం గడిచిన 7 ఏండ్లలో చేపట్టిన కార్యక్రమాల వివరాలను నోట్‌ రూపంలో సభ్యులకు అందజేశారు.

• ఎస్సీ సంక్షేమం: 2017 స్పెషల్‌ డెవలప్‌మెంట్‌ ఫండ్‌ చట్టం రూపకల్పన.
• ఎస్సీలకు 15.45 శాతం నిధులు.. ఖర్చుకానివి క్యారీ ఫార్వర్డ్‌.
• దళితబంధు: దళితులకు ఉపాధి కోసం 10 లక్షల ఆర్థికసాయం.
• ప్రయోగాత్మకంగా హుజూరాబాద్‌లో, రాష్ట్రంలోని నాలుగు వైపుల 4 మండలాల్లో, తరువాతి దశలో నియోజకవర్గానికి 100 మంది చొప్పున అన్ని చోట్ల అమలు. వార్షిక బడ్జెట్‌లో రూ.1000 కోట్లు కేటాయింపు. ఇప్పటికే రూ.2,007.60 కోట్లు విడుదల.
• కల్యాణలక్ష్మి: 2014 నుంచి ఇప్పటివరకు 1,85,002 ఎస్సీ కుటుంబాలకు రూ.1,443.35 కోట్లు ఖర్చు
• అంబేద్కర్‌ ఓవర్సీస్‌ విద్యా నిధి పథకం: విదేశాల్లో చదివే విద్యార్థులకు రూ.20 లక్షలు సాయం. 2014 నుంచి 735 మంది విద్యార్థులకు రూ.113.93 కోట్లు లబ్ధి
• ఎస్సీ గురుకుల విద్యాలయాలు: 2014 వరకు కేవలం 134 ఎస్సీ గురుకులాలు.. 82,063 మంది విద్యార్థులు. స్వరాష్ట్రంలో కొత్తగా 268 ఎస్సీ గురుకులాలు ఉన్నత ప్రమాణాలతో ఏర్పాటు. వీటిలో 1,51,157 మంది విద్యార్థులు. ఎస్సీ యువతులకు 30 రెసిడెన్షియల్‌ డిగ్రీ కాలేజీలు. వీటిలో 17,014 మంది విద్యార్థినులు.

1. ఉమ్మడి రాష్ట్రంలో పదేండ్లలో ఖర్చు పెట్టిన మొత్తం 3,438 కోట్లు
2. స్వరాష్ట్రంలో ఏడేండ్లలో ఖర్చు పెట్టిన మొత్తం 23,296కోట్లు