Overseas scholarship | విదేశీ విద్య ఒకప్పుడు అందనిద్రాక్షే. పేద కుటుంబాల పిల్లలకు అది కలలోనైనా ఊహకందనిది. ప్రపంచ ప్రఖ్యాత విశ్వవిద్యాలయాల్లో నచ్చిన కోర్సును పూర్తిచేసే ధైర్యాన్నిచ్చింది తెలంగాణ ప్రభుత్వం. పైసా ఖర్చు లేకుండా విదేశాలకు వెళ్లి ఉన్నతవిద్యను అభ్యసించేందుకు ‘ఓవర్సీస్ స్కాలర్షిప్’ పథకం మార్గం సుగమం చేసింది.
ప్రభుత్వ ప్రోత్సాహం, ఆర్థిక ప్రోద్బలంతో వేలాదిమంది యువతీయువకులు కలల్ని సాకారం చేసుకుంటున్నారు. బీసీ, ఎస్సీ, ఎస్టీ, మైనార్టీలతోపాటు బ్రాహ్మణ పరిషత్ ద్వారా అర్హులైన ఒక్కొక్కరికి రూ.20లక్షల మేర సాయం అందుతున్నది. ఇంతవరకు మొత్తం 6,701 మంది విదేశీవిద్యను అందుకున్నారు. వారికోసం రాష్ట్రంలో ప్రభుత్వం వెచ్చించింది అక్షరాలా రూ.948 కోట్లు!
హైదరాబాద్, మే 7 (నమస్తే తెలంగాణ): విదేశాల్లో చదువుకోవడమనేది ప్రతీ విద్యార్థి కల. ఆర్థికంగా ఉన్నవారు ప్రయాస లేకుండా వెళ్తుండగా, పేద విద్యార్థులు మాత్రం ఆ కలను సాకారం చేసుకొనేందుకు నానా కష్టాలు పడుతున్నారు. ఇలాంటి వారి కోసం ముఖ్యమంత్రి కేసీఆర్ ప్రతిష్ఠాత్మకంగా ప్రవేశపెట్టిన ఓవర్సీస్ స్కాలర్షిప్ పథకం వెన్నుదన్నుగా నిలుస్తున్నది. ఎస్సీ, ఎస్టీ, బీసీ, మైనార్టీ, బ్రాహ్మణ విద్యార్థుల విదేశీ విద్య కలలను సాకారం చేస్తున్నది. బీసీల కోసం జ్యోతిబాఫూలే, ఎస్సీ, ఎస్టీలకు అంబేద్కర్, మైనార్టీలకు సీఎం ఓవర్సీస్, బ్రాహ్మణ విద్యార్థులకు వివేకానంద విదేశీ విద్యానిధి పథకాలను అమలు చేస్తున్నది. అన్ని క్యాటగిరీల్లో కలుపుకొని ఈ పథకం ద్వారా ఇప్పటివరకు 6,701 మంది విద్యార్థులు విదేశాలకు వెళ్లి చదువు పూర్తి చేసుకోగా, ప్రభుత్వం రూ.947.8 కోట్లు వెచ్చించింది. అమెరికాలోని ఫ్లోరిడా యూనివర్సిటీ, టెక్సాస్ యూనివర్సిటీ, మిచిగాన్ టెక్నాలజీ యూనివర్సిటీ, మిన్నిసోటా యూనివర్సిటీ, ఆస్ట్రేలియాలోని మెల్బోర్న్ ఇన్స్టిట్యూట్ ఆఫ్ టెక్నాలజీ తదితర ఉన్నత విద్యాసంస్థల్లో అడ్మిషన్లు పొందారు. అక్కడ ఉన్నతవిద్యను పూర్తి చేసుకోవడంతోపాటు అత్యున్నతస్థాయిల్లో ఉద్యోగాలు చేస్తూ జీవితంలో స్థిరపడుతున్నారు.
ఒక్కో విద్యార్థికి రూ.20 లక్షలు
విదేశాల్లో మాస్టర్స్, పీజీ, పీహెచ్డీ కోర్సుల అభ్యాసానికి ప్రభుత్వం ఈ ఆర్థిక సాయాన్ని అందిస్తున్నది. ప్రతి సంవత్సరం జనవరిలో (స్ప్రింగ్ సీజన్) 150 మంది, ఆగస్టులో (ఫాల్ సీజన్) 150 మందిని మొత్తంగా రెండు సెషన్లకు కలిపి ఒక్కో క్యాటగిరీకి 300 మంది నిరుపేద విద్యార్థులకు అవకాశం కల్పిస్తారు. అమెరికా, బ్రిటన్, ఆస్ట్రేలియా, కెనడా, సింగపూర్, జర్మనీ, న్యూజిలాండ్, జపాన్, ఫ్రాన్స్, దక్షిణ కొరియా దేశాల్లో ఉన్నత విద్య అభ్యసించడానికి ప్రభుత్వం ఒక్కో విద్యార్థికి రూ.20 లక్షల వరకు ఆర్థిక సాయం అందిస్తున్నది. వీసా చార్జీలు, ఇతర ఖర్చుల కోసం రూ.50 వేలు ఇస్తున్నారు. జ్యోతిబా ఫూలే విద్యానిధి పథకంలో మొత్తం సీట్లలో 30 సీట్లను ఆర్థికంగా వెనుకబడిన విద్యార్థులకు (ఈబీసీ)లకు కేటాయించింది. ఎస్సీ, ఎస్టీకి సంబంధించిన అంబేద్కర్ ఓవర్సీస్ పథకంలో మహిళలకు ప్రాధాన్యం ఇస్తూ 35 శాతం రిజర్వేషన్ అమలు చేస్తున్నారు.
ఇవీ అర్హతలు
ఎంపిక ఇలా
సీఎం కేసీఆర్కు జీవితాంతం రుణపడి ఉంటాం..
తెలంగాణ ప్రభుత్వం మా బిడ్డకు కొండంత అండగా నిలిచింది. పైసా ఖర్చు లేకుండా రూ.20 లక్షలు సదువు కోసం ఇవ్వడంతో బిడ్డ ఉన్నతస్థాయికి ఎదిగింది. ఆనాడు కరోనా కష్టకాలంలో ఉన్నప్పటికీ ప్రభుత్వం బీసీ కార్పొరేషన్ ద్వారా చేసిన ఆర్థిక సహాయం మమ్మల్ని ఆదుకున్నది. సర్కార్ సహాయం చేయకపోతే మా రెండోబిడ్డ జయశ్రీ చిన్న చదువులకే పరిమితమయ్యేది. ఇప్పుడు పెద్ద చదువు చదువుకోవడం వల్లనే పెద్ద కుటుంబం నుంచి సంబంధం వచ్చింది. కల్యాణలక్ష్మి సహాయం కూడా అందటంతో పెండ్లి ఖర్చులు కలిసివచ్చినయ్. ఇప్పుడు బిడ్డ, అల్లుడు అమెరికాలో ఉంటూ కొలువులు చేయడం ఎంతో సంతోషంగా ఉన్నది. సీఎం కేసీఆర్కు మేము జీవితాంతం రుణపడి ఉంటాము.
– కీర్తి సత్యం, సరిత / వరంగల్
కలలో కూడా ఊహించలేదు
-దుర్గం రమేశ్, మేస్త్రి, వికాస్నగర్, హనుమకొండ
కలలో కూడా ఊహించలేదు
-కేతావత్ రాజేందర్, రంగాపూర్ తండా, వికారాబాద్ జిల్లా
మా పూర్వజన్మ సుకృతం..
– బానోతు రవినాయక్, తూర్పుతండా, పర్వతగిరి మండలం, వరంగల్ జిల్లా
పోతానంటే పైసలు లేవని చెప్పిన
-సుంచు శ్రీనివాస్, కేబుల్ ఆపరేటర్, కార్ఖానగడ్డ, కరీంనగర్ జిల్లా
కేసీఆరే మాకు దేవుడు
-మహ్మద్ ఖమ్రుద్దీన్, కారు డ్రైవర్, కశ్మీర్గడ్డ, కరీంనగర్
తండ్రి లేని లోటు తీర్చిండు
-బాసాని సందీప్రెడ్డి, రాణిపురం, కొత్తపల్లి మండలం, కరీంనగర్ జిల్లా
ఫ్లైట్ టికెట్కూ పైసలు ఇచ్చిండ్రు
-చిందం కిష్టయ్య, రైతు, అల్గునూరు, కరీంనగర్ జిల్లా
కేసీఆర్ వల్లే పైసలొచ్చినయ్
-మలావత్ మాన్సింగ్, పాకాల, నిజామాబాద్ జిల్లా
కేసీఆర్ వల్లే విదేశాల్లో కొలువు
– గంధసిరి అంబరీశ-పద్మ, మరిపెడ, మహబూబాబాద్ జిల్లా
ప్రభుత్వ సహకారం మరువలేనిది
-కొమ్మన పట్టాభిరాం, మిర్యాలగూడ, నల్లగొండ జిల్లా
ఓవర్సీస్ పథకం పెద్ద దిక్కయ్యింది
-గాదె రాజారెడ్డి, రామచంద్రాపురం, ములుగు జిల్లా
సార్ను యాదికుంచుకొంటం
-చెన్నూరి ఝాన్సీరాణి, ఆలీంపురం,బచ్చన్నపేట, జనగామ జిల్లా
కేసీఆర్ సార్కు థ్యాంక్స్
-బొట్ల శ్రీనివాస్, బీజేపీ 30వ వార్డు కౌన్సిలర్, జనగామ
పెద్ద దిక్కు అయ్యిండు
మాది హనుమకొండ జిల్లా ఎలుకుర్తి. ఇద్దరం ప్రైవేటు జామ్ చేస్తు న్నం. మాకు ముగ్గురు కూతుళ్లు. పె ద్ద కూతురు విశాలి దివ్యాంగురాలు. రెండో కూతురు నీలిమ కిట్స్లో బీటె క్ పూర్తి చేసింది. ఓవర్సీస్ పథకానికి దరఖాస్తు చేసుకుంటే 20 లక్షలు, విమానం, వీసా ఖర్చులు ఇచ్చిండ్రు. నీలిమ 2021 డిసెంబర్ 16న అమెరికాకు పోయింది. ముగ్గురు పిల్లలను ఎట్లా చదివిత్తామో అని భయమైంది. పెద్ద కూతురు పెండ్లికి కేసీఆర్ కల్యాణలక్ష్మి ఇచ్చిండు. రెండో కూతురు బయటి దేశాల్లో చదువుకొనేందుకు సాయం చేసిండు.
-రాజారపు వెంకటరత్నం-రాజేశ్వరి, ఎలుకుర్తి, ధర్మసాగర్, హనుమకొండ
ఆపద్బాంధవుడు కేసీఆర్
మాది భువనగిరిలోని హనుమాన్వాడ. నా కూతురు హారిక నల్లగొండ జిల్లా నార్కట్పల్లి కామినేని వైద్య కళాశాలలో 4 ఏండ్ల కిందట బీడీఎస్ పూర్తి చేసింది. కెనడాలో పీజీ చేయాలని చెప్పింది. ఇందుకు రూ.26 లక్షల ఖర్చు అవుతదన్నది. ఎలాగైనా చదువు ఆపవద్దని బయట అప్పు తెచ్చి కెనడాకు పంపినం. ఆమె వెళ్లిన కొన్ని రోజులకు విదేశీ విద్య కోసం దరఖాస్తు చేసుకోగా..రూ.20 లక్షల లోన్ మంజూరైంది. దాంతో ఊపిరి పీల్చుకున్నాం. ఆ డబ్బుతో బయట తెచ్చిన అప్పులు తీర్చేశాం. ప్రస్తుతం నా కూతురు కెనడాలో పీజీ చేస్తూనే పార్ట్టైంలో డెంటల్ ప్రాక్టీస్ చేస్తూ కొంత డబ్బు సంపాదిస్తున్నది. ఇందుకు సహాయం చేసిన సీఎం కేసీఆర్ను జీవితాంతం మరిచిపోం.
– పంగరెక్క లలిత, భువనగిరి, యాదాద్రి భువనగిరి జిల్లా