రోజుకు 426 మంది భారత్‌కు బైబై!

ఏటా లక్షలాది మంది భారతీయులు ఇక్కడి పౌరసత్వాన్ని వదులుకొంటున్నారు. 2024లోనే 2,06,378 మంది ఇండియన్‌ సిటిజన్‌షిప్‌ను వదులుకొన్నారు.

• పౌరసత్వాన్ని వదులుకొంటున్న భారతీయుల సంఖ్య పైపైకి
• నిరుడు 2 లక్షల మంది ఇండియన్‌ సిటిజన్‌షిప్‌కు టాటా
• 11 ఏండ్ల మోదీ పాలనలో దేశం విడిచిన17 లక్షల మంది
• ఆర్థిక మందగమనం, పన్నుల వాత, భద్రతలేమే కారణాలు
• అమెరికా, కెనడా, ఆస్ట్రేలియా, యూకేకు వలస!

(స్పెషల్‌ టాస్క్‌ బ్యూరో) హైదరాబాద్‌, జూలై 25 (నమస్తే తెలంగాణ): ఏటా లక్షలాది మంది భారతీయులు ఇక్కడి పౌరసత్వాన్ని వదులుకొంటున్నారు. 2024లోనే 2,06,378 మంది ఇండియన్‌ సిటిజన్‌షిప్‌ను వదులుకొన్నారు. ఈ మేరకు విదేశీ వ్యవహారాల శాఖ గురువారం పార్లమెంట్‌కు తెలియజేసింది. 2014లో ప్రధానిగా మోదీ బాధ్యతలు చేపట్టినప్పటి నుంచి భారత పౌరసత్వాన్ని వదులుకొంటున్న వారి సంఖ్య అంతకంతకూ పెరుగుతుండటం ఆందోళన కలిగిస్తోంది. బీజేపీ పాలనలో నెలకొన్న సమస్యలే ఇండియన్స్‌న విదేశాల వైపు మొగ్గు చూపడానికి కారణమని నిపుణులు అభిప్రాయపడుతున్నారు.

• 11 ఏండ్ల మోదీ పాలనలో దేశ పౌరసత్వాన్ని వదులుకొన్నవారు 17,10,890
• రోజుకు సగటున పౌరసత్వాన్ని త్యజిస్తున్నవారు 426
• ఏ దేశాల కోసం పౌరసత్వాన్ని ఎక్కువగా వదులుకొంటున్నారు? ; అమెరికా, కెనడా, ఆస్ట్రేలియా, యూకే, న్యూజిలాండ్‌

దేశాన్ని ఎందుకు విడిచిపోతున్నారంటే?

• దేశంలో ఆర్థిక మందగమనం
• పన్ను రేట్లు బాగా పెరిగిపోవడం
• ప్రభుత్వ ప్రోత్సాహకాలు తగ్గడం
• ప్రశ్నార్థకంగా శాంతిభద్రతలు
• విదేశాల్లో మెరుగైన జీవనం, ఆర్థిక పరిస్థితులు ఉండటం

ఏ సంవత్సరం.. ఎంతమంది పౌరసత్వం వదులుకొన్నారు?

2014 ; 1.29 328
2015 ; 1.31 489
2016 ; 1.41 603
2017 ; 1.33 049
2018 ; 1.34 561
2019 ; 1.44 017
2020 ; 85 256
2021 ; 1.63 370
2022 ; 2.25 620
2023 ; 2.16 219
2024 ;2.06 378