Masala Dosa | మ‌సాలా దోశ ఇలా తింటే ఆ కిక్కే వేరు!!

May 24, 2022 / 02:17 PM IST

Food Blogger Mansi Shiv Rathi Masala Dosa Eating style | దక్షిణాదిన ఇడ్లీకి దీటైన అల్పాహారం మసాలా దోశే. బ్రేక్‌ఫాస్ట్‌గా కడక్‌ మసాలా దోశ తింటే ఆ కిక్కే వేరు. అసలు, మసాలా దోశ తినడమూ ఓ ఆర్టేనని అంటున్నది మానసి శివ్‌ రాఠి అనే ఓ ఫుడ్‌ బ్లాగర్‌.

వివిధ ప్రాంతాల్లో రకరకాల ఆహార పదార్థాలను ఆస్వాదిస్తూ తన అనుభవాలను ఆన్‌లైన్‌లో పంచుకుంటుంది మానసి. పదహారు వందలకు పైగా ఫుడ్‌ వీడియోలతో లక్షల వ్యూస్‌, లైక్‌లతో, వేలమంది ఫాలోవర్స్‌తో సక్సెస్‌ఫుల్‌ బ్లాగర్‌ తను. తాజాగా ఓ రెస్టారెంట్లో మసాలా దోశ ఎలా తినాలో చెబుతూ ఓ వీడియో పోస్ట్‌ చేసింది. మసాలా దోశను అంచుల నుంచి కాకుండా మధ్యలోంచి తినాలంటూ ఫోర్క్‌తో ైస్టెల్‌గా తిని చూపించింది. దీనివల్ల కమ్మని మసాలాను పరిపూర్ణంగా ఆస్వాదించొచ్చు. ‘ఇందులో వింతేముంది? మేం చిన్నప్పటి నుంచీ అలాగే తింటాం’ అని కొందరు వెటకారం చేస్తున్నారు. మరికొందరు మాత్రం ‘అవును అలా తింటేనే బాగుటుంది. ఐడియా అదుర్స్‌’ అంటూ మానసిని మెచ్చు కుంటున్నారు. దోశలే కాదు.. లోకో భిన్న రుచిః.