కోట్లాది ప్రజల సిస్టర్‌

బ్రహ్మకుమారి సిస్ట్టర్‌ శివాని.. నవతరం ఆధ్యాత్మిక గురువు. ఆమె ఉపన్యాసాల్లో కొరుకుడు పడని పదజాలం ఉండదు. మార్మికత కనిపించదు. తాను చెప్పాలనుకున్న విషయాన్ని సూటిగా, సుతి మెత్తగా చెబుతారు. హెచ్చరించాల్సిన సందర్భాల్లోనూ ఆ స్వరంలో మాతృత్వపు మమకారం తొంగి చూస్తుంది.

బ్రహ్మకుమారి సిస్ట్టర్‌ శివాని.. నవతరం ఆధ్యాత్మిక గురువు. ఆమె ఉపన్యాసాల్లో కొరుకుడు పడని పదజాలం ఉండదు. మార్మికత కనిపించదు. తాను చెప్పాలనుకున్న విషయాన్ని సూటిగా, సుతి మెత్తగా చెబుతారు. హెచ్చరించాల్సిన సందర్భాల్లోనూ ఆ స్వరంలో మాతృత్వపు మమకారం తొంగి చూస్తుంది. వివిధ ఆన్‌లైన్‌ మాధ్యమాల్లో ఆమెకు కోటిమందికి పైగా అభిమానులు ఉన్నారు. తను గురుగ్రామ్‌లో పుట్టిపెరిగారు. బాగా చదువుకున్నారు. చిన్న వయసులోనే రాజయోగ పట్ల ఆకర్షితురాలై బ్రహ్మకుమారి సంస్థలో చేరారు.

‘ఓ గొప్ప సందేశాన్ని జనంలోకి తీసుకెళ్లే అవకాశం నాకు లభించింది’ అంటారామె. మొదట్లో శివాని తన తల్లిని రోజూ స్కూటర్‌ మీద రాజయోగ క్లాసులకు తీసుకెళ్లేవారు. క్రమంగా తానూ ఆ పరివారంలో భాగమయ్యారు. మౌంట్‌ అబూ వెళ్లి శిక్షణ కూడా తీసుకున్నారు. శివాని దినచర్య తెల్లవారు జామున మూడు గంటలకు మొదలవుతుంది. ‘మనల్ని మనం తీర్చిదిద్దుకునే శక్తి ఒక్క ఆధ్యాత్మికతతోనే వస్తుంది’ అంటారామె. తాజాగా ఓ అంతర్జాతీయ పత్రిక సిస్టర్‌ శివానికి ‘మోస్ట్‌ ఇన్‌ఫ్లుయెన్షియల్‌ ఉమెన్‌’ పురస్కారం ఇచ్చింది.