Yuvraj Singh : భారత మాజీ క్రికెటర్ యువరాజ్ సింగ్(Yuvraj Singh) ఎంత గొప్ప ఆల్రౌండరో తెలిసిందే. ఈ స్టార్ ప్లేయర్ టీ20ల్లో పెద్ద సంచలనమే సృష్టించాడు. దక్షిణాఫ్రికా వేదికగా 2007లో జరిగిన పొట్టి ప్రపంచ కప్(T20 World Cup 2007)లో యూవీ సిక్సర్ల మోతతో రికార్డులు బద్ధలు కొట్టాడు. ఇంగ్లండ్ బౌలర్ స్టువార్ట్ బ్రాడ్(Stuart Broad) బౌలింగ్లో ఆరు బంతులకు ఆరు సిక్స్లు కొట్టాడు. ఈ అద్భుత ఫీట్కు నేటితో 16 ఏళ్లు. ఈ సందర్భంగా క్రిస్టీ వలియవీట్టిల్ అనే ఓ అభిమాని యూవీ ఆరు సిక్సర్లు బాదడాన్ని ఇసుకతో బొమ్మగా వేశాడు.
ఈ వీడియోను యువరాజ్ సింగ్ తన ఎక్స్ ఖాతాలో పెట్టాడు. ఇంత అద్భుతమైన సాండ్ ఆర్ట్ వేసినందుకు క్రిస్టీ వలియవీట్టిల్ నీకు థాంక్యూ. దీన్ని నువ్వు నా పుట్టిన రోజు కోసమే తయారు చేశావని తెలుసు. ఈ ఆర్ట్ వీడియోను అందరితో పంచుకునేందుకు ఇదే సరైన సమయం అని అనిపించింది అని యూవీ క్యాప్షన్ రాసుకొచ్చాడు.
Thank you for this lovely sand art, Christy Valiyaveettil ❤️ even though you created this for my birthday, today is also an apt occasion for me to share it. #16Years #SixSixes pic.twitter.com/9f34hL4gwk
— Yuvraj Singh (@YUVSTRONG12) September 19, 2023
ఐసీసీ తొలిసారి నిర్వహించిన టీ20 వరల్డ్ కప్ అది. సూపర్ 8లో భారత్, ఇంగ్లండ్ జట్లకు ఆ మ్యాచ్ ఎంతో కీలకం. ఈ మ్యాచ్లో యువరాజ్, ధోనీ బ్యాటింగ్ చేస్తున్నారు. అయితే. 18వ ఓవర్ ముగిశాక ఇంగ్లండ్ ఆల్రౌండర్ ఆండ్రూ ఫ్లింటాఫ్ యూవీతో గొడవపడ్డాడు. అతడి నోటి దురుసుకు భారత ఆల్రౌండర్ ఆరు సిక్సర్లతో సమాధానమిచ్చాడు.
Look out in the crowd!
On this day in 2007, @YUVSTRONG12 made #T20WorldCup history, belting six sixes in an over 💥 pic.twitter.com/Bgo9FxFBq6
— ICC (@ICC) September 19, 2021
అయితే.. తన కోపాన్నంతా యూవీ పేసర్ బ్రాడ్పై చూపించాడు. బ్రాడ్ వేసిన 19వ ఓవర్లో ఒక్క బంతిని వదలకుండా ఆరింటిని స్టాండ్స్లోకి పంపాడు. దాంతో, ఫ్లింటటాఫ్ సహా ఇంగ్లండ్ ఆటగాళ్ల ముఖంలో నెత్తురుచుక్క కనిపించలేదు. ఈ మధ్యే అంతర్జాతీయ క్రికెట్కు వీడ్కోలు పలికిన బ్రాడ్ తన ప్రసంగంలో యూవీ ఆరు సిక్సర్లను గుర్తు చేసుకున్నాడు.