Waqar Younis | నన్ను పాకిస్తానీ అని పిలవకండి: వకార్ యూనిస్ షాకింగ్ కామెంట్స్

Waqar Younis | ఆస్ట్రేలియా చేతిలో  గురువారం రాత్రి  ఘోర ఓటమి పొందిన పాకిస్తాన్‌పై ఆ జట్టు దిగ్గజ పేసర్‌ వకార్‌ యూనిస్‌ సంచలన వ్యాఖ్యలు చేశాడు.   తనను పాకిస్తానీ అని పిలవొద్దని కామెంట్స్‌ చేశాడు.

Waqar Younis | ఆస్ట్రేలియా చేతిలో  గురువారం రాత్రి  ఘోర ఓటమి పొందిన పాకిస్తాన్‌పై ఆ జట్టు దిగ్గజ పేసర్‌ వకార్‌ యూనిస్‌ సంచలన వ్యాఖ్యలు చేశాడు.   తనను పాకిస్తానీ అని పిలవొద్దని, తానూ  ‘హాఫ్‌ ఆసీ’ అని వ్యాఖ్యానించి దుమారం రేపాడు. వన్డే వరల్డ్‌ కప్‌లో భాగంగా గురువారం రాత్రి బెంగళూరు వేదికగా  ఆస్ట్రేలియాతో ముగిసిన మ్యాచ్‌లో  బాబర్‌ ఆజమ్‌ సారథ్యంలోని పాకిస్తాన్‌ పరాజయం పాలయ్యాక  వకార్‌ ఈ కామెంట్స్‌ చేశాడు.

మ్యాచ్‌ ముగిశాక స్టార్‌ స్పోర్ట్స్‌లో ఆసీస్‌కు చెందిన మాజీ ఆటగాళ్లు  ఆరోన్‌ పించ్‌, షేన్‌ వాట్సన్‌లతో కలిసి మాట్లాడిన వకార్‌..  ‘నేను కూడా  సగం ఆస్ట్రేలియా దేశస్తుడినే. దయచేసి  నన్ను పాకిస్తానీ అని పిలవొద్దు..’ అని వ్యాఖ్యానించాడు. పాకిస్తాన్‌కు చెందిన వకార్‌.. పాకిస్తానీ ఆస్ట్రేలియన్‌ అయిన డాక్టర్‌ ఫర్యల్‌ను  పెళ్లాడాడు. ఈ ఇద్దరికీ ముగ్గురు పిల్లలు కాగా  ప్రస్తుతం వకార్‌ ఫ్యామిలీ ఆస్ట్రేలియాలోని  న్యూసౌత్‌ వేల్స్‌లో నివసిస్తోంది.  వకార్‌.. వన్డే వరల్డ్‌ కప్‌లో భాగంగా పాకిస్తాన్‌ ఆడే మ్యాచ్‌లకు   కామెంట్రీ విధులు నిర్వర్తిస్తున్నాడు.

 

In the ICC World Cup 2023, when Pakistan team lost first to India and then to Australia, Babar Azam’s team again became the victim of criticism. This time, former Pakistani fast bowler Waqar Younis has crossed all limits. When Pakistan lost by 62 runs against Australia, Waqar… pic.twitter.com/z3uCH12DnE

— Satya Prakash (@Satya_Prakash08) October 21, 2023

కాగా వకార్‌ కామెంట్స్‌పై పాకిస్తాన్‌ క్రికెట్‌ ఫ్యాన్స్‌ మండిపడుతున్నారు.  ‘మీరు ఆస్ట్రేలియా వ్యక్తిని పెళ్లి చేసుకున్నంత మాత్రానా  మీ మూలాలు మరిచిపోద్దు వకార్‌ జీ.. మీరు  పాకిస్తానీ అన్న విషయం మరిచిపోద్దు..’, ‘మీకు ఆస్ట్రేలియన్‌  పౌరసత్వం వస్తే రావొచ్చు గాక కానీ ప్రస్తుతం మీరు   ప్రస్తుతం  పాకిస్తాన్‌  తరఫున బ్రాడ్కాస్టింగ్‌ ప్యానెల్‌ తరఫున  ప్రాతినిథ్యం వహిస్తున్నారు. ఆ విషయం మరిచిపోకండి’ అని   కామెంట్స్‌ చేస్తున్నారు. కాగా పాకిస్తాన్‌ – ఆస్ట్రేలియా మ్యాచ్‌ లో  తొలుత బ్యాటింగ్‌ చేసిన కంగారూలు.. నిర్ణీత 50 ఓవర్లలో  367 పరుగులు  చేయగా లక్ష్య ఛేదనలో  పాకిస్తాన్‌  305 పరుగులకే ఆలౌట్‌ అయింది.