Hardhik Pandya | ఐపీఎల్‌లో ‘ఛీ’ కొట్టి.. ఇప్పుడు ‘జై’ కొట్టి.. వాంఖ‌డేలో పాండ్యా క్రేజ్

Hardhik Pandya : టీమిండియా స్వ‌ప్నాన్ని సాకారం చేసిన హార్దిక్ పాండ్యా (Hardhik Pandya) కోసం వాంఖ‌డే స్టేడియంలోని ఫ్యాన్స్ ఎదుర‌చూస్తున్నారు. ఐపీఎల్‌లో హేళ‌న చేసినందుకు మ‌మ్మ‌ల్ని క్ష‌మించు అని పాండ్యాను కోరుతున్నారు.

Hardhik Pandya : పొట్టి ప్ర‌పంచ క‌ప్ చాంపియ‌న్‌గా భార‌త జ‌ట్టు స్వ‌దేశం రాగానే సంబురాలు అంబ‌రాన్నంటాయి. టీమిండియా స్వ‌ప్నాన్ని సాకారం చేసిన హార్దిక్ పాండ్యా (Hardhik Pandya) అయితే ఒక్క‌సారిగా హీరోగా మారిపోయాడు. 20వ ఆఖ‌రి బంతి వేసి రోహిత్ సేనను 7 ప‌రుగుల తేడాతో గెలిపించిన పాండ్యా ఎమోష‌న‌ల్ అయ్యాడు. భావోద్వేగంతో అత‌డు క‌న్నీళ్లు పెట్టుకున్న దృశ్యాలు కోట్లాదిమంది భార‌తీయుల‌ను క‌దిలించాయి.

రెండు నెల‌ల క్రితం పాండ్యా వేరు.. ఇప్పుడు వ‌ర‌ల్డ్ క‌ప్‌తో తిరొగొచ్చిన పాండ్యా వేరు. ఐపీఎల్‌లో ముంబై ఇండియ‌న్స్ (Mumbai Indians) కెప్టెన్‌గా అవ‌మానాలు ఎదుర్కొన్న పాండ్యా.. ఇప్పుడు త‌న‌ను గేలి చేసిన అభిమానులంద‌రి మ‌నుసు గెలుచుకున్నాడు. అందుకు ముంబైలోని వాంఖ‌డే స్టేడియంలో మార్మోగుతున్న హార్దిక్ హార్దిక్ నినాదాలే అందుకు సాక్ష్యం.

2 months after he was massively booed by the fans, HARDIK HARDIK chants take over Wankhede 🔥🔥🔥

GREATEST REDEMPTION IN THE HISTORY OF CRICKET!!!!#T20WorldCup pic.twitter.com/BMDQgWTyfT

— Vinesh Prabhu (@vlp1994) July 4, 2024

టోర్నీ ముగిసే దాకా..

టీ20 వ‌ర‌ల్డ్ క‌ప్ తొమ్మిదో సీజ‌న్‌తో పాండ్యా త‌న మ‌న‌సును గాయ‌ప‌రిచిన‌ ఎన్నో ప్ర‌శ్న‌ల‌కు.. అవ‌మానాల‌కు.. నిద్ర‌ప‌ట్ట‌కుండా చూసిన రోజుల‌కు స‌మాధానం వెతుక్కున్నాడు. 17వ సీజ‌న్‌లో ముంబై ఇండియ‌న్స్ కెప్టెన్‌గా ఎంపికైన‌ రోజు నుంచి టోర్నీ ముగిసే దాకా అత‌డు హేళ‌న‌కు గుర‌య్యాడు. సొంత మైదాన‌మైన వాంఖ‌డేలోనే అభిమానులు అత‌డిని గేలి చేశారు. ఆ ప్ర‌భావం ఆట‌పై కూడా ప‌డ‌డంతో పాండ్యా మెప్పించ‌లేక‌పోయాడు. కానీ, టీమిండియా జెర్సీ వేసుకోగానే పాండ్యా ఆటే మారిపోయింది.

Hardik Pandya lifting the T20 World Cup trophy amid cheers from the same Mumbai crowd that booed him a few months back.

The comeback is complete 🫡
pic.twitter.com/xhO4YkiIGo

— Johns (@JohnyBravo183) July 4, 2024

ఐదో బౌల‌ర్‌గా ఇర‌గ‌దీస్తూ.. బ్యాటుతో బాదేస్తూ రోహిత్ సేన విజ‌యాల్లో పాండ్యా కీల‌క‌మ‌య్యాడు. ఇక కెన్నింగ్‌ట‌న్ ఓవ‌ల్ (Kensington Oval) వేదిక‌గా ద‌క్షిణాఫ్రికాతో ఉత్కంఠ రేపిన ఫైన‌ల్లో పాండ్యా బౌలింగ్‌ను ఎంత పొగిడినా త‌క్కువే. 20వ ఓవ‌ర్ తొలి బంతికే డేంజ‌ర‌స్ డేవిడ్ మిల్ల‌ర్ వికెట్ తీసిన పాండ్యా భార‌త్‌ను గెలుపు వాకిట నిలిపాడు. ఆ త‌ర్వాతి ఐదు బంతుల్లో 8 ప‌రుగులే ఇచ్చి భార‌త జ‌ట్టు 13 ఏండ్ల ట్రోఫీ క‌ల‌ను నిజం చేసి ముంబై ఇండియ‌న్స్ ఫ్యాన్స్‌కు త‌మ త‌ప్పు తెలుసుకునేలా చేశాడు.

Emotion. Elation. Joy. 🇮🇳😍#T20WorldCup | #SAvIND pic.twitter.com/7Frwi69eey

— ICC (@ICC) June 29, 2024

ఇవి కూడా చ‌ద‌వండి

• Telangana | తెలంగాణ నిఘా విభాగాల‌కు నిధులు కేటాయించండి.. అమిత్ షాను కోరిన సీఎం రేవంత్ రెడ్డి
• Mr Bachchan | రవితేజ ‘మిస్టర్‌ బచ్చన్‌’ నుంచి ఫ‌స్ట్ సింగిల్ అప్‌డేట్
• Man shoots girlfriend | ప్రియురాలిపై కాల్పులు జరిపి కాల్చుకున్న వ్యక్తి.. ఆమె బతకగా, అతడు మృతి