Visit:
Virat Kohli | సొంతగడ్డపై జరుగుతున్న మహిళల వన్డే ప్రపంచకప్‌లో (Women’s World Cup) సెమీ ఫైనల్ మ్యాచులో భారత అమ్మాయిలు (Team India) అదరగొట్టిన విషయం తెలిసిందే. ఆస్ట్రేలియాపై సంచలన బ్యాటింగ్‌తో భారత మహిళా జట్టు అద్భుత విజయాన్ని సాధించింది. దీంతో దేశవ్యాప్తంగా అభినందనలు వెల్లువెత్తుతున్నాయి. ముఖ్యంగా జట్టు విజయంలో కీలక పాత్ర పోషించిన స్టార్ బ్యాటర్ జెమీమా రోడ్రిగ్స్‌ (Jemimah Rodrigues)పై క్రికెట్ అభిమానులు ప్రశంసలు కురిపిస్తున్నారు. ఇక ఈ విజయంపై టీమ్‌ ఇండియా స్టార్ విరాట్‌ కోహ్లీ (Virat Kohli) కూడా స్పందించారు.
భారత జట్టు ఆసీస్‌పై అద్భుత విజయం సాధించిందని కొనియాడారు. ఈ మేరకు జెమీమా ప్రదర్శనను ప్రశంసించారు. ‘ఆస్ట్రేలియా లాంటి బలమైన ప్రత్యర్థిపై మన జట్టు అద్భుతమైన విజయం సాధించింది. ఈ బిగ్‌ గేమ్‌లో జెమీమా అద్భుతమైన ఇన్నింగ్స్‌ ఆడింది. అమ్మాయిలు గొప్ప ప్రదర్శన చేశారు. ధైర్యం, నమ్మకం, ఆత్మవిశ్వాసానికి ఇది నిజమైన ప్రతిరూపం. వెల్‌డన్‌, టీమ్‌ ఇండియా..!’ అని కోహ్లీ పేర్కొన్నారు. ఈ మేరకు ఎక్స్‌ వేదికగా పోస్టు పెట్టారు. ప్రస్తుతం ఈ పోస్టు వైలర్‌ అవుతోంది.
What a victory by our team over a mighty opponent like Australia. A great chase by the girls and a standout performance by Jemimah in a big game. A true display of resilience, belief, and passion. Well done, Team India! 🇮🇳
— Virat Kohli (@imVkohli) October 31, 2025
గ్రూప్‌ దశలో అభిమానులు ఆశించిన స్థాయిలో ఆడలేక తడబడ్డ భారత్‌.. కీలక సెమీస్‌ పోరులో మాత్రం అంచనాలకు మించి దుమ్మురేపింది. నవీ ముంబైలోని డాక్టర్‌ డీవై పాటిల్‌ స్టేడియం వేదికగా జరిగిన రెండో సెమీస్‌లో డిఫెండింగ్‌ చాంపియన్‌ ఆస్ట్రేలియాను 5 వికెట్ల తేడాతో మట్టికరిపించి 8 ఏండ్ల సుదీర్ఘ విరామం తర్వాత సగర్వంగా ఫైనల్ చేరింది. ఆసీస్‌ నిర్దేశించిన 339 పరుగుల రికార్డు ఛేదనను భారత్‌.. మరో ఆరు తొమ్మిది బంతులు మిగిలుండగానే 5 వికెట్లు మాత్రమే కోల్పోయి ప్రపంచకప్‌ చరిత్రలోనే అత్యధిక ఛేదనను విజయవంతంగా పూర్తిచేసింది. ఛేదనలో జెమీమా రోడ్రిగ్స్‌ (134 బంతుల్లో 127 నాటౌట్‌, 14 ఫోర్లు) తన కెరీర్‌లోనే మరుపురాని శతకంతో చెలరేగి జట్టు విజయంలో కీలక పాత్ర పోషించింది.
Also Read..
అమ్మాయిలు అద్భుతః.. ప్రపంచకప్‌ ఫైనల్‌కు భారత్‌
INDW vs AUSW | జెమీమా చిరస్మరణీయ శతకం.. ఆస్ట్రేలియాను మట్టికరిపించి మూడోసారి ఫైనల్‌కు టీమిండియా
INDW VS AUSW | సెంచరీతో చెలరేగిన జెమీమా.. గెలుపు దిశగా టీమిండియా
