శాన్వి రెడ్డికి మరో టైటిల్‌

తెలంగాణ యువ షట్లర్‌ నిమ్మ శాన్వి రెడ్డి మరో జాతీయ స్థాయి టోర్నమెంట్‌లో సత్తా చాటింది. ఆలిండియా సబ్‌ జూనియర్‌ ర్యాంకింగ్‌ టోర్నమెంట్‌లో డబుల్స్‌ టైటిల్‌ నెగ్గిన ఆమె సింగిల్స్‌లో రన్నరప్‌గా నిలిచింది.

హైదరాబాద్‌, ఆట ప్రతినిధి: తెలంగాణ యువ షట్లర్‌ నిమ్మ శాన్వి రెడ్డి మరో జాతీయ స్థాయి టోర్నమెంట్‌లో సత్తా చాటింది. ఆలిండియా సబ్‌ జూనియర్‌ ర్యాంకింగ్‌ టోర్నమెంట్‌లో డబుల్స్‌ టైటిల్‌ నెగ్గిన ఆమె సింగిల్స్‌లో రన్నరప్‌గా నిలిచింది.

కోల్‌కతాలో జరిగిన అండర్‌-13 డబుల్స్‌ ఫైనల్లో శాన్వి-ల్యోషా ద్వయం 16-14, 15-6తో వరుస గేమ్స్‌లో మహారాష్ట్రకు చెందిన హజెల్‌ జోషి-దివిషా సింగ్‌ ద్వయంపై విజయం సాధించింది. సింగిల్స్‌లో టాప్‌ సీడ్‌ శాన్వి 10-15, 12-15తో రాష్ర్టానికే చెందిన ల్యోషా చేతిలో ఓడి రన్నరప్‌ ట్రోఫీ అందుకుంది.