IPL 2024 | ముంబై జ‌ట్టులో సూర్య‌.. పాండ్యా సేన రాత మారుస్తాడా..?

IPL 2024 : ఐపీఎల్ 17వ సీజ‌న్‌లో ఇంత‌వ‌ర‌కూ బోణీ కొట్ట‌ని ముంబై ఇండియ‌న్స్(Mumbai Indians) దశ తిర‌గ‌నుంది. హ్యాట్రిక్ ఓట‌ముల‌తో అట్ట‌డుగున ఉన్న ఆ జ‌ట్టు రాతే మారిపోనుంది. అవును.. ముంబై గెలుపు గుర్రం సూర్య‌కుమార్...

IPL 2024 : ఐపీఎల్ 17వ సీజ‌న్‌లో ఇంత‌వ‌ర‌కూ బోణీ కొట్ట‌ని ముంబై ఇండియ‌న్స్(Mumbai Indians) దశ తిర‌గ‌నుంది. హ్యాట్రిక్ ఓట‌ముల‌తో అట్ట‌డుగున ఉన్న ఆ జ‌ట్టు రాతే మారిపోనుంది. అవును.. ముంబై గెలుపు గుర్రం సూర్య‌కుమార్ యాద‌వ్‌ (Surya kumar Yadav) శుక్ర‌వారం జ‌ట్టుతో క‌లిశాడు. కారులో టీమ్ హోట‌ల్‌కు చేరుకున్న మిస్ట‌ర్ 360కి ఘ‌న స్వాగ‌తం ల‌భించింది.

సూర్య ఎంట్రీ వీడియోను ముంబై జ‌ట్టు ఎక్స్ ఖాతాలో పెట్టింది. దానికి .. సూర్య భాయ్ వ‌చ్చేశాడు. ఇక మైదానంలో ఏ మూల సుర‌క్షితం కాదు. ఏ స్టాండ్ కూడా సేఫ్ కాదు అని క్యాప్ష‌న్ రాసుకొచ్చింది. ప‌దిహేడో సీజ‌న్ కోసం ఆతృత‌గా ఎదురుచూసిన సూర్యాభాయ్ వ‌చ్చీ రావ‌డంతోనే నెట్స్‌లో దిగాడు. అన్ని ర‌కాల షాట్లతో అల‌రించాడు.

No corner on the ground, no stand is safe – Surya dada is 🔙 🔥#MumbaiMeriJaan #MumbaiIndians | @surya_14kumar pic.twitter.com/YUaBvMqgbc

— Mumbai Indians (@mipaltan) April 5, 2024

ద‌క్షిణాఫ్రికాపై టీ20 సిరీస్ విజ‌యం అనంత‌రం సూర్య మ‌ళ్లీ మైదానంలోకి దిగ‌లేదు. స్పోర్ట్స్ హెర్నియా (Sports Hernia) కార‌ణంగా స‌ర్జ‌రీ చేయించుకున్న సూర్య ఈమ‌ధ్యే కోలుకున్నాడు. బెంగ‌ళూరులోని నేష‌న‌ల్ క్రికెట్ అకాడ‌మీ(NCA)లో అత‌డు ఫిట్‌నెస్ సాధించాడు. దాంతో, రెండు రోజుల క్రిత‌మే సూర్య‌కు ఎన్‌సీఏ ఫిట్‌నెస్ స‌ర్టిఫికేట్ ఇచ్చింది.

Jiska humein tha intezaar.. 🤩🤌

सूर्या दादा is here, Paltan! 💙#MumbaiMeriJaan #MumbaiIndians | @surya_14kumar pic.twitter.com/eL98y970Pe

— Mumbai Indians (@mipaltan) April 5, 2024

ఇక ఆడిన మూడు మ్యాచుల్లో చిత్తుగా ఓడిన ముంబైకి సూర్య రాక వెయ్యి ఏనుగ‌ల బ‌లాన్ని ఇచ్చింది. మిడిలార్డ‌ర్‌లో విధ్వ‌సంక ఇన్నింగ్స్‌లు ఆడే ఈ హిట్ట‌ర్ ఎంట్రీతో ముంబై బోణి కోసం ఆశ‌గా చూస్తోంది. ఏప్రిల్ 7వ తేదీన ఢిల్లీ క్యాపిట‌ల్స్‌తో ముంబై త‌ల‌ప‌డ‌నుంది.