Abhishek Sharma | ఇటీవల గుజరాత్లోని సూరత్కు చెందిన మోడల్ తానియా సింగ్ ఆత్మహత్య కేసు ఐపీఎల్లో సన్ రైజర్స్ హైదరాబాద్కు ఆడుతున్న అభిషేక్ శర్మ మెడకు చుట్టుకుంది. సోమవారం రాత్రి తన ఇంటిలో ఉరి వేసుకుని చనిపోయిన తానియా సింగ్ ఫోన్ నుంచి చివరగా చేసిన ఫోన్ కాల్ అభిషేక్కే కావడం గమనార్హం. దీంతో పోలీసులు అతడిని పిలిపించి విచారించారు. ఏడాదిన్నర కాలంగా మోడలింగ్లో ఉన్న తానియా.. ఫిబ్రవరి 20న మరణించినట్టు పోలీసులు తెలిపారు.
వివరాల్లోకెళ్తే.. సూరత్లోని హ్యాపీ ఎలగెన్స్ అపార్ట్మెంట్లో ఉంటున్న తానియా సింగ్ గతకొంతకాలంగా మోడలింగ్ చేస్తోంది. తానియా మరణించిన తర్వాత పోలీసులు ఆమె ఫోన్ కాంటాక్ట్స్ను పరిశీలించగా ఆఖరిసారి తానియా చేసిన ఫోన్ అభిషేక్కే అని తేలింది. కాల్తో పాటు అభిషేక్కు మెసేజ్ చేసినా అతడి నుంచి ఎలాంటి స్పందన రాలేదని సూరత్ పోలీసులు తెలిపారు. కాల్ డేటా ఆధారంగా సూరత్ పోలీసులు అభిషేక్కు నోటీసులు పంపించారు. అభిషేక్ను విచారిస్తే ఈ మర్డర్ మిస్టరీ వెనుక ఉన్న నిజాలు బయటకు వస్తాయని పోలీసులు భావిస్తున్నారు.
Abhishek Sharma, who represents Sunrisers Hyderabad in the IPL, is expected to be called up by Surat Police in connection with the suicide of model Tania Singh in the Vesu area of Surat. [CricTracker]#IPL2024 pic.twitter.com/8jB7LdnJza
— Don Cricket 🏏 (@doncricket_) February 21, 2024
పంజాబ్కు చెందిన 23 ఏండ్ల స్పిన్ ఆల్రౌండర్ అయిన అభిషేక్.. 2019 నుంచి సన్ రైజర్స్కు ఆడుతున్నాడు. ఇప్పటివరకూ 47 మ్యాచ్లు ఆడిన అభిషేక్.. 22.87 సగటుతో 892 పరుగులు సాధించాడు. దేశవాళీలో పంజాబ్ తరఫున రాణించే అభిషేక్.. 24 ఫస్ట్ క్లాస్ మ్యాచ్లు, 53 లిస్ట్ ఎ గేమ్స్ ఆడాడు. దేశవాళీలో 2 వేలకు పైగా రన్స్ చేసిన అభిషేక్.. ఐపీఎల్ – 2022 సీజన్లో ఎస్ఆర్హెచ్ తరఫున 426 పరగులు చేసి అందరి దృష్టిలో పడ్డాడు. కానీ 2023 సీజన్లో 11 మ్యాచ్లలో 226 పరుగులే చేసి నిరాశపరిచాడు. ప్రస్తుతం ఐపీఎల్ -17కు సిద్ధమవుతున్న అభిషేక్.. ఈ టోర్నీకి ముందు తానియా ఆత్మహత్య కేసు మెడకు చుట్టుకుంటే అతడికి భారీ షాక్ తప్పదు.