Sachin Tendulkar | మాట నిల‌బెట్టుకున్న స‌చిన్.. గాల్లో తేలిపోతున్న‌ దివ్యాంగ క్రికెట‌ర్

Sachin Tendulkar : భార‌త క్రికెట్ దిగ్గ‌జం స‌చిన్ టెండూల్క‌ర్(Sachin Tendulkar) క‌శ్మీర్ ప‌ర్య‌ట‌న‌లో సర‌దాగా, సంద‌డిగా గ‌డుపుతున్నాడు. స్థానిక కుర్రాళ్ల‌తో గ‌ల్లీ క్రికెట్ ఆడుతూ.. మంచు వ‌ర్షాన్ని ఆస్వాదిస్తూ మ‌స్త్ ఎంజాయ్ చేస్తున్న మాస్ట‌ర్ బ్లాస్ట‌ర్ తాజాగా...

Sachin Tendulkar : భార‌త క్రికెట్ దిగ్గ‌జం స‌చిన్ టెండూల్క‌ర్(Sachin Tendulkar) క‌శ్మీర్ ప‌ర్య‌ట‌న‌లో సర‌దాగా, సంద‌డిగా గ‌డుపుతున్నాడు. స్థానిక కుర్రాళ్ల‌తో గ‌ల్లీ క్రికెట్ ఆడుతూ.. మంచు వ‌ర్షాన్ని ఆస్వాదిస్తూ మ‌స్త్ ఎంజాయ్ చేస్తున్న మాస్ట‌ర్ బ్లాస్ట‌ర్ తాజాగా త‌న‌ వీర‌భిమానిని క‌లిశాడు. దివ్యాంగుడైన‌ క్రికెట‌ర్ అమిర్ హుస్సేన్‌ లోనె (Amir Hussain Lone)ను క‌ల‌సి అత‌డికి బ్యాట్‌ను కానుక‌గా ఇచ్చాడు. క్రికెట్ లెజెండ్ త‌న‌ను క‌ల‌వ‌డ‌మే కాకుండా గుర్తుండిపోయే బ‌హుమ‌తి ఇవ్వ‌డంతో అమిర్ గాల్లో తేలిపోతున్నాడు. సచిన్, అమిర్‌తో మాట్లాడుతున్న వీడియో ఆన్‌లైన్‌లో వైర‌ల్ అవుతోంది.

క‌శ్మీర్‌కు చెందిన అమిర్ చేతులు లేకున్నా క్రికెట్‌లో రాణిస్తున్నాడు. మెడ‌, గ‌ద‌వ సాయంతో బ్యాట్ పట్టుకొని క్రికెట్ ఆడుతున్న అత‌డి వీడియో కొన్ని రోజుల క్రితం సోష‌ల్ మీడియాలో వైరల్ అయింది. ఆ వీడియో చూసిన మాస్ట‌ర్ బ్లాస్ట‌ర్ అమిర్‌పై ప్ర‌శంస‌ల జ‌ల్లు కురిపించాడు. నువ్వు అసాధ్యాన్ని చేసి చూపించావ్. ఎంద‌రికో స్ఫూర్తిగా నిలిచిన నిన్ను ఏదో ఒక‌రోజు నిన్ను క‌లుస్తాను అని పోస్ట్ పెట్టాడు.

To Amir, the real hero. Keep inspiring!

It was a pleasure meeting you. pic.twitter.com/oouk55lDkw

— Sachin Tendulkar (@sachin_rt) February 24, 2024

మాట ఇచ్చిన‌ట్టుగానే క‌శ్మీర్ ప‌ర్య‌ట‌లో స‌చిన్.. అమిర్‌ను క‌లిశాడు. ఈ సంద‌ర్భంగా అత‌డికి బ్యాట్‌ను గిఫ్ట్‌గా ఇచ్చిన స‌చిన్.. రియ‌ల్ హీరో అమిర్‌కు ఓ బ‌హుమ‌తి. నువ్వు మ‌రింత‌మందిలో స్ఫూర్తి నింపుతూనే ఉండు. అమిర్‌ను క‌ల‌వ‌డం ఎంతో సంతోషంగా ఉంది అంటూ సచిన్ ఎక్స్ ఖాతాలో ఒక‌ వీడియో పోస్ట్ పెట్టాడు. క్ష‌ణాల్లో ఆ పోస్ట్ వైర‌ల్ అయింది.

మిషిన్‌లో జాకెట్ చిక్కుకొని

అమిర్‌ పుట్టుక‌తోనే దివ్యాంగుడు ఏమీ కాదు. ఎనిమిదేండ్ల వ‌య‌సులో అత‌డు రెండు చేతులు కోల్పోయాడు. అమిర్ కుటుంబానికి ఒక చిన్న వండ్రంగి షాపు (క‌ట్టె మిష‌న్) ఉండేది. అందులో అమిర్ నాన్న‌, సోద‌రుడు ప‌నిచేసేవాళ్లు. ఒక‌రోజు అమిర్ అన్న‌య్య‌కు లంచ్ బాక్స్ ఇచ్చేందుకు వెళ్లాడు. అక్క‌డికి వెళ్లాక అనుకోకుండా అతడి జాకెట్ మిషిన్‌లో ఇరుక్కుపోయింది. దాంతో, అమిర్ రెండు చేతులు పోగొట్టుకున్నాడు. అలాగ‌ని త‌న బ‌తుకు ఇంతే అని అత‌డు నిరుత్సాహ‌ప‌డ‌లేదు. క్రికెట్ మీద ఇష్టంతో సాధ‌న చేయ‌డం మొద‌లెట్టాడు.

ఇవి కూడా చ‌ద‌వండి

• Bull stops play | క్రికెట్ మ్యాచ్‌ను ఆపేసిన‌ ఎద్దు.. త‌లోదిక్కు ప‌రుగెత్తిన కుర్రాళ్లు.. వీడియో
• Need A Wife | భార్య కావాలంటూ ఆటోకు హోర్డింగ్‌ పెట్టిన వ్యక్తి.. వధువు కోసం వినూత్న ప్రకటన