Need A Wife | భార్య కావాలంటూ ఆటోకు హోర్డింగ్‌ పెట్టిన వ్యక్తి.. వధువు కోసం వినూత్న ప్రకటన

Need A Wife | తనకు భార్య కావాలంటూ ఒక వ్యక్తి సొంతంగా ప్రచారం చేసుకుంటున్నాడు. తన వివరాలతో కూడిన హోర్డింగ్‌ను ఆటోకు ఉంచాడు. వినూత్న ప్రకటన ద్వారా వధువు కోసం అన్వేషిస్తున్నాడు.

భోపాల్‌: తనకు భార్య కావాలంటూ ఒక వ్యక్తి సొంతంగా ప్రచారం చేసుకుంటున్నాడు. తన వివరాలతో కూడిన హోర్డింగ్‌ను ఆటోకు ఉంచాడు. వినూత్న ప్రకటన ద్వారా వధువు కోసం అన్వేషిస్తున్నాడు. (Need A Wife) మధ్యప్రదేశ్‌లోని దామోహ్‌లో ఈ సంఘటన జరిగింది. 29 ఏళ్ల దీపేంద్ర రాథోడ్ కాబోయే భార్య కోసం వినూత్న విధానాన్ని ఎంచుకున్నాడు. ‘భార్య కావాలి’ అంటూ తన వివరాలతో కూడిన హోర్డింగ్‌ను సొంత ఎలక్ట్రిక్‌ ఆటోకు ఏర్పాటు చేశాడు. తన ఎత్తు, పుట్టిన తేదీ, సమయం, బ్లడ్ గ్రూప్, విద్యార్హతలు, గోత్రం వంటి వివరాలు అందులో పేర్కొన్నాడు.

కాగా, సమాజంలో మహిళల కొరత వల్ల వధువు లభించడం లేదని దీపేంద్ర వాపోయాడు. తన తల్లిదండ్రులు పూజల్లో బిజీగా ఉండటంతో తనకు భార్యను వెతకలేకపోతున్నట్లు తెలిపాడు. మ్యారేజ్‌ గ్రూప్‌లో చేరినప్పటికీ నగరానికి చెందిన వధువు దొరకలేదని చెప్పాడు. దీంతో భార్య కావాలంటూ హోర్డింగ్‌ను ఏర్పాటు చేసినట్లు తెలిపాడు. తనకు కుల, మత భేదాలు లేవని చెప్పాడు. ఏ మహిళ అయినా పెళ్లి ప్రతిపాదనతో తనను సంప్రదించవచ్చని తెలిపాడు. ఎప్పుడూ సంతోషంగా ఉండేలా భార్యను చూసుకుంటానని అన్నాడు.