BANW vs THAIW | స్పిన్ అస్త్రానికి థాయ్‌లాండ్ విల‌విల‌.. బంగ్లాదేశ్ ల‌క్ష్యం..?

BANW vs THAIW : మ‌హిళ‌ల ఆసియా క‌ప్ రెండో మ్యాచ్‌లో బంగ్లాదేశ్ (Bangladesh) బౌల‌ర్లు చెల‌రేగారు. సోమ‌వారం దంబుల్లా స్టేడియంలో థాయ్‌లాండ్ (Thailand)బ్యాట‌ర్ల‌ను వ‌ణికిస్తూ వికెట్ల వేట కొన‌సాగించారు.

July 22, 2024 / 10:15 PM IST

BANW vs THAIW | స్పిన్ అస్త్రానికి థాయ్‌లాండ్ విల‌విల‌.. బంగ్లాదేశ్ ల‌క్ష్యం..?

BANW vs THAIW : మ‌హిళ‌ల ఆసియా క‌ప్ రెండో మ్యాచ్‌లో బంగ్లాదేశ్(Bangladesh) బౌల‌ర్లు చెల‌రేగారు. సోమ‌వారం దంబుల్లా స్టేడియంలో థాయ్‌లాండ్ (Thailand)బ్యాట‌ర్ల‌ను వ‌ణికిస్తూ వికెట్ల వేట కొన‌సాగించారు. లెగ్ స్పిన్న‌ర్ ర‌బియా ఖాన్(414) తిప్పేయ‌డంతో థాయ్‌లాండ్ జ‌ట్టు 96 ప‌రుగుల‌కే ప‌రిమితమైంది. థాయ్ బ్యాట‌ర్ల‌లో న‌థాయ బుచ్చాథామ్(40) ఒంట‌రి పోరాటం చేసింది. అమెకు స‌హక‌రించేవాళ్లు లేక‌పోవ‌డంతో ప్ర‌త్య‌ర్థికి తేలికపాటి ల‌క్ష్యాన్ని నిర్దేశించ‌గ‌లిగింది.

టాస్ గెలిచి బ్యాటింగ్ తీసుకున్న థాయ్‌లాండ్‌కు ఓపెన‌ర్లు శ‌భారంభమిచ్చారు. న‌థాయ బుచ్చాథామ్(40) బంగ్లా బౌల‌ర్ల‌ను దీటుగా ఎదుర్కొన్న‌ది. అయితే.. లెగ్ స్పిన్న‌ర్ ర‌బియా ఖాన్ ఎంట్రీతో సీన్ మారిపోయింది. ప‌వ‌ర్ ప్లే త‌ర్వాత బంతి అందుకున్న ర‌బియా థాయ్ బ్యాట‌ర్ల ప‌ని ప‌ట్టింది.

Rayeba with a magical spell 🪄#WomensAsiaCup2024 #ACC #HerStory #BANWvTHAIW pic.twitter.com/uxcod75LKr

— AsianCricketCouncil (@ACCMedia1) July 22, 2024

తొలుత ఓపెన‌ర్ అఫిస‌ర సువాంచోర‌థి(6)ని ఔట్ చేసిన ఆమె వ‌రుస పెట్టి వికెట్లు తీసింది. బుచ్చాథామ్‌ను 16.5వ ఓవ‌ర్‌లో బౌల్డ్ చేసి థాయ్‌లాండ్‌ను పీక‌ల్లోతు క‌ష్టాల్లో పడేసింది. చివ‌ర్లో సులీపార్న్ ల‌వోమి(17), రొసెనాన్ క‌నోహ్(13)లు పోరాటంతో జ‌ట్టు స్కోర్ 90 దాటించారు. అయితే.. థాయ్‌లాండ్ ఆలౌట్ ప్ర‌మాదం త‌ప్పించుకుంది కానీ వంద కూడా కొట్ట‌లేక‌పోయింది.