Rachin Ravindra: సచిన్ రికార్డును బ్రేక్ చేసిన రచిన్.. కేన్ మామకూ తప్పలే..!

Rachin Ravindra: ఈ మెగా టోర్నీలో ఇదివరకే రెండు సెంచరీలు  చేసిన రచిన్‌.. తాజాగా పాకిస్తాన్‌తో మ్యాచ్‌లో కూడా సెంచరీ చేసి  ఆ సంఖ్యను మూడుకు  పెంచాడు.

Rachin Ravindra: న్యూజిలాండ్‌ యువ సంచలనం  రచిన్‌ రవీంద్ర భారత్‌ వేదికగా జరుగుతున్న వన్డే వరల్డ్‌ కప్‌లో  శతకాల మీద శతకాలు బాదుతున్నాడు. ఈ మెగా టోర్నీలో ఇదివరకే రెండు సెంచరీలు  చేసిన రచిన్‌.. తాజాగా పాకిస్తాన్‌తో మ్యాచ్‌లో కూడా సెంచరీ చేసి  ఆ సంఖ్యను మూడుకు  పెంచాడు. తద్వారా భారత మూలాలున్న ఈ కివీస్‌ క్రికెటర్‌..  భారత దిగ్గజ బ్యాటర్‌ సచిన్‌ టెండూల్కర్ రికార్డును బద్దలుకొట్టాడు. సచిన్‌తో పాటు  న్యూజిలాండ్‌  సారథి  కేన్‌ విలియమ్సన్‌  రికార్డును కూడా రచిన్‌ తుడిపేశాడు.

25 ఏండ్ల వయసులోపే  వరల్డ్‌ కప్‌లో అత్యధిక సెంచరీలు చేసిన  ఆటగాడిగా సచిన్‌  పేరిట ఉన్న రికార్డును  రచిన్‌  బ్రేక్‌ చేశాడు. సచిన్‌ 22 ఏండ్ల  313  రోజుల వయసులో ఈ మెగా టోర్నీలో  రెండు సెంచరీలు చేయగా  రచిన్‌.. 23 ఏండ్ల  351 రోజులలో  మూడు శతకాలు బాదేశాడు. ప్రపంచకప్‌ – 2023లో  తొలుత  ఇంగ్లండ్‌తో మ్యాచ్‌లో శతకం చేసిన  రచిన్‌.. ఇటీవలే ఆస్ట్రేలియాతో ముగిసిన  హైఓల్జేజ్‌ స్కోరింగ్‌ గేమ్‌లోనూ సెంచరీ చేసిన విషయం తెలిసిందే. అంతేగాక వరల్డ్‌ కప్‌ చరిత్రలో మొదటి  ప్రపంచకప్‌ ఆడుతూ మూడు సెంచరీలు చేసిన  తొలి  బ్యాటర్‌గా కూడా రచిన్‌ అరుదైన ఘనత సాధించాడు.

 

Rachin Ravindra is the first New Zealand batter to score 3 hundreds in a single edition of World Cup history. pic.twitter.com/1jce0U2lYB

— Johns. (@CricCrazyJohns) November 4, 2023

సచిన్‌తో పాటు కివీస్‌ సారథి కేన్‌ విలియమ్సన్‌, ఆ జట్టు వెటరన్‌ ఓపెనర్‌ మార్టిన్‌ గుప్తిల్‌ రికార్డును  కూడా రచిన్‌ బ్రేక్‌ చేశాడు.  ఒక వరల్డ్ కప్‌ ఎడిషన్‌లో  కివీస్‌ తరఫున అత్యధిక సెంచరీలు చేసిన వారిలో గ్లెన్‌ టర్నర్‌ (1975లో 2 సెంచరీలు), మార్టిన్‌ గప్తిల్‌ (2015లో 2),  కేన్‌ విలియమ్సన్‌ (2019లో 2) ఉండగా  తాజాగా రచిన్‌  మూడో సెంచరీతో వీరి రికార్డును   బ్రేక్‌ చేశాడు.