Nuwan Tushara | టీ20ల్లో శ్రీ‌లంక పేస‌ర్ హ్యాట్రిక్.. సంబురాల్లో ముంబై ఫ్యాన్స్

Nuwan Tushara : ప‌వ‌ర్ హిట్ల‌ర్లకు కేరాఫ్ అయిన‌ పొట్టి క్రికెట్‌(T20 Cricket)లో శ్రీ‌లంక పేస‌ర్ నువాన్ తుషార(Nuwan Tushara) హ్యాట్రిక్ తీశాడు. శ‌నివారం బంగ్లాదేశ్‌(Bangladesh)తో జ‌రిగిన‌ మూడో టీ20లో అత‌డు వ‌రుస‌గా మూడు...

Nuwan Tushara : ప‌వ‌ర్ హిట్ల‌ర్లకు కేరాఫ్ అయిన‌ పొట్టి క్రికెట్‌(T20 Cricket)లో శ్రీ‌లంక పేస‌ర్ నువాన్ తుషార(Nuwan Tushara) హ్యాట్రిక్ తీశాడు. శ‌నివారం బంగ్లాదేశ్‌(Bangladesh)తో జ‌రిగిన‌ మూడో టీ20లో అత‌డు వ‌రుస‌గా మూడు బంతుల్లో మూడు వికెట్లు ప‌డ‌గొట్టాడు. దాంతో, టీ20ల్లో హ్యాట్రిక్ తీసిన ఐదో లంక‌ బౌల‌ర్‌గా తుషార‌ చ‌రిత్ర సృష్టించాడు. తుషార ముంబై ఇండియ‌న్స్(Mumbai Indians) ఫ్యాన్స్ సంబురాల్లో మునిగిపోయారు. ఎందుకంటే.. ఐపీఎల్ 17వ సీజ‌న్‌లో అత‌డు ముంబైకి ఆడుతున్నాడు.

శ్రీ‌లంక నిర్దేశించిన 175 ప‌రుగుల ఛేద‌న‌లో తుషార దెబ్బ‌కు బంగ్లాదేశ్ పీక‌ల్లోతు క‌ష్టాల్లో ప‌డింది. నాలుగో ఓవ‌ర్లో రెండో బంతికే అత‌డు న‌జ్ముల్ షాంటో(1)ను బౌల్డ్ చేశాడు. ఆ త‌ర్వాత బంతికి తౌహిద్ హృద‌య్(0) ఆఫ్ స్టంప్‌ను ఎగుర‌గొట్టాడు. ఇక‌.. హ్యాట్రిక్ బాల్‌కు అత‌డు అనుభ‌వ‌జ్ఞుడైన మ‌హ్మ‌దుల్లా(0)ను ఎల్బీగా ఔట్ చేశాడు.

NUWAN THUSHARA HAT TRICK!#BANvSL #SLvBAN pic.twitter.com/cRVHgu1RBP

— Abdullah Neaz (@Neaz__Abdullah) March 9, 2024

దాంతో, టీ20ల్లో హ్యాట్రిక్ తీసిన ఐదో లంక బౌల‌ర్‌గా తుషార రికార్డుపుట‌ల్లోకెక్కాడు. యార్క‌ర్ కింగ్ ల‌సిత్ మ‌లింగ, తిషార పెరీరా, అకిలా ధ‌నంజ‌య‌, వ‌నిందు హ‌స‌రంగ‌లు అత‌డి కంటే ముందు హ్యాట్రిక్ వికెట్లు తీశారు. వీళ్ల‌లో మ‌లింగ్ ఏకంగా రెండు సార్లు(2017లో బంగ్లాదేశ్‌పై, 2019లో వెస్టిండీస్‌పై) వ‌రుస బంతుల్లో మూడు వికెట్లు ప‌డ‌గొట్టాడు. దాంతో, లంక 28 ప‌రుగుల తేడాతో గెలుపొంది సిరీస్ కైవ‌సం చేసుకుంది.

𝐖 𝐖 𝐖 dot 𝐡𝐚𝐭𝐭𝐫𝐢𝐜𝐤 dot com

Developed by – @NuwanThushara53#OneFamily #MumbaiIndians pic.twitter.com/q944risHrT

— Mumbai Indians (@mipaltan) March 9, 2024

ఐపీఎల్ 17వ సీజ‌న్‌కు ముందు ముంబై ఫ్రాంచైజీ తుషార‌తో ఒప్పందం చేసుకుంది. ద‌క్షిణాఫ్రికా టీ20 లీగ్‌(SA20)లో ఎంఐ కేప్‌టౌన్(MI Capetown) త‌ర‌ఫున అద్భుతంగా రాణించిన‌ ఈ స్టార్ పేస‌ర్‌కు రూ.4.8 కోట్లు చెల్లించేందుకు సిద్ద‌మైంది. ముంబై బౌలింగ్ కోచ్‌గా ఉన్న మాజీ పేస‌ర్ ల‌సిత్ మ‌లింగ.. తుషార వేగం. క‌చ్చిత‌త్వానికి ప‌దునుపెట్ట‌నున్నాడు. మార్చి 22న ఐపీఎల్ ష‌రూ కానున్న విష‌యం తెలిసిందే.

ఇవి కూడా చ‌ద‌వండి

• Gaza | గాజాలో విషాదం.. సాయం కోసం పంపిన పారాచూట్‌ విఫలమై ఐదుగురు మృతి