Rupert Murdoch | 93 ఏండ్ల వయసులో ఆరో పెండ్లి.. జూన్‌లో ఎలెనా జుకోవాతో రూపర్ట్‌ మర్దోక్ వివాహం

మీడియా టైకూన్‌గా పేరుగాంచిన 93 ఏండ్ల రూపర్ట్‌ మర్దోక్‌ ఆరోసారి పెండ్లి చేసుకోబోతున్నాడు. 67 ఏండ్ల ఎలెనా జుకోవాతో నిశ్చితార్థం చేసుకున్న మర్దోక్‌.. కాలిఫోర్నియా వైన్‌ యార్డ్‌ ఎస్టేట్‌లోని మొరాగాలో జూన్‌లో పెళ్లికి ఏర్పాట్లు చేసుకుంటున్నాడు.

Rupert Murdoch | వాషింగ్టన్‌, మార్చి 8: మీడియా టైకూన్‌గా పేరుగాంచిన 93 ఏండ్ల రూపర్ట్‌ మర్దోక్‌ ఆరోసారి పెండ్లి చేసుకోబోతున్నాడు. 67 ఏండ్ల ఎలెనా జుకోవాతో నిశ్చితార్థం చేసుకున్న మర్దోక్‌.. కాలిఫోర్నియా వైన్‌ యార్డ్‌ ఎస్టేట్‌లోని మొరాగాలో జూన్‌లో పెళ్లికి ఏర్పాట్లు చేసుకుంటున్నాడు. గతేడాది కూడా ముర్దోక్‌ రేడియో హోస్ట్‌ ఆన్‌లెస్లీ స్మిత్‌ను(ఐదో భార్య) వివాహం చేసుకున్నాడు. కానీ వీరి వివాహ బంధం నెల రోజుల కన్నా ఎక్కువ కాలం సాగలేదు.

ఎలెనా జుకోవా ఎవరు?

జుకోవా రష్యాకు చెందిన రిటైర్డ్‌ మాలిక్యులర్‌ బయాలజిస్ట్‌. మధుమేహం పరిశోధనలో స్పెషలిస్ట్‌. 1991లో మాస్కో నుంచి అమెరికాకు వెళ్లారు. మర్దోక్‌కు తన మూడో మాజీ భార్య డెంగ్‌ ఏర్పాటు చేసిన ఓ పార్టీలో జుకోవాతో పరిచయం ఏర్పడిందట. డెంగ్‌కు 2013లోనే మర్దోక్‌ విడాకులు ఇచ్చేశాడు. జుకోవా గతంలో రెండు సార్లు రష్యన్‌ ఆయిల్‌ బిలియనీర్‌ అలెగ్జాండర్‌ జుకోవ్‌తో పెండ్లి చేసుకున్నది. వారిద్దరికి ఓ కూతురు కూడా ఉన్నది. రూపర్ట్‌ మర్దోక్‌ నాల్గవ భార్య సూపర్‌ మోడల్‌ జెర్రీ హాల్‌. ఈమెకు 2022లో విడాకులు ఇచ్చాడు. మర్దోక్‌కు మొత్తం ఆరుగురు సంతానం ఉన్నారు.