KCR | కేసీఆర్‌తో ఆదిలాబాద్‌ యువనేత భార్గవ్‌ దేశ్‌పాండే భేటీ

KCR | బీఆర్‌ఎస్‌లో ఇటీవల చేరిన ఆదిలాబాద్‌కు చెందిన యువనేత భార్గవ్‌ దేశ్‌పాండే ఎర్రవల్లిలోని నివాసంలో పార్టీ అధినేత, తెలంగాణ తొలి ముఖ్యమంత్రి కేసీఆర్‌ను మర్యాదపూర్వకంగా కలిశారు.

KCR | బీఆర్‌ఎస్‌లో ఇటీవల చేరిన ఆదిలాబాద్‌కు చెందిన యువనేత భార్గవ్‌ దేశ్‌పాండే ఎర్రవల్లిలోని నివాసంలో పార్టీ అధినేత, తెలంగాణ తొలి ముఖ్యమంత్రి కేసీఆర్‌ను మర్యాదపూర్వకంగా కలిశారు. ఈ సందర్భంగా రాష్ట్ర రాజకీయ పరిస్థితులపై ఇరువురి మధ్య చర్చ జరిగినట్లు సమాచారం.

కాంగ్రెస్‌ ప్రభుత్వ విధానాలపై పోరాటానికి సిద్ధం కావాలని ఈ సందర్భంగా భార్గవ్‌ దేశ్‌పాండేకు కేసీఆర్‌ పిలుపునిచ్చారు. కాంగ్రెస్‌ పాలనలో తెలంగాణకు నష్టం జరుగుతోందని పేర్కొంటూ, ప్రజావ్యతిరేక విధానాలపై గళమెత్తాలని సూచించారు. రాష్ట్ర పునర్నిర్మాణంలో యువత కీలక పాత్ర పోషించాలని కేసీఆర్‌ ఆకాంక్షించారు. యువత ముందుండి అభివృద్ధి దిశగా తెలంగాణను నడిపించాలని పేర్కొన్నారు.