Nitish Reddy | నితీశ్‌ రెడ్డి సూపర్‌ సెంచరీ.. టెస్ట్‌ కెరీర్‌లో తొలి శతకం

మెల్‌బోర్న్‌లో తెలుగు కుర్రాడు నితీశ్‌ రెడ్డి (Nitish Reddy) అద్భుతం సృష్టించాడు. ఎనిమిదో స్థానంలో బ్యాటింగ్‌కు వచ్చి కష్టాల్లో ఉన్న జట్టును ఆదుకున్నాడు. సీనియర్లంతా నిరాశపర్చినా ఆసీస్‌ బౌలర్లను ఆడుకున్నాడు

మెల్‌బోర్న్‌: మెల్‌బోర్న్‌లో తెలుగు కుర్రాడు నితీశ్‌ రెడ్డి (Nitish Reddy) అద్భుతం సృష్టించాడు. ఎనిమిదో స్థానంలో బ్యాటింగ్‌కు వచ్చి కష్టాల్లో ఉన్న జట్టును ఆదుకున్నాడు. సీనియర్లంతా నిరాశపర్చినా ఆసీస్‌ బౌలర్లను ఆడుకున్నాడు. ఒక సిక్స్‌, 9 ఫోర్లతో సెంచరీతో కదం తొక్కాడు. ఆల్‌రౌండర్లు జడేజా, సుందర్‌ సహకారంతో జట్టు స్కోరును 350 దాటించాడు. 99 రన్స్‌ వద్ద ఫోర్‌ కొట్టి టెస్టుల్లో ఘనంగా తొలి సెంచరీ నమోదుచేశాడు. ఈ సందర్భంగా ప్రేక్షకుల్లో ఉన్న నితీశ్‌ తండ్రి భావోద్వేగానికి లోనయ్యారు. కుమారుడి శతకం చూసిన ఆనందంతో కన్నీరు పెట్టుకున్నారు. ఎనిమిదో స్థానంలో అత్యధిక పరుగులు చేసిన బ్యాట్స్‌మెన్‌ నిలిచాడు. ఇంతకుముందు అనిల్‌ కుంబ్లే ఈ ఘనత సాధించాడు.

ఇక వాషింగ్టన్‌ సుందర్‌ 50 పరుగులు చేసిన కాసేపటికే వెనుతిరిగాడు. నితీశ్‌తో కలిసి ఎనిమిదో వికెట్‌కు 127 పరుగుల భాగస్వామ్యం నిర్మించాడు. నాథన్ లియాన్‌ బౌలింగ్‌లో స్లిప్‌లో క్యాచ్‌ ఇచ్చి 8వ వికెట్‌గా ఔటయ్యాడు. అయితే ఆ తర్వాత వచ్చిన బుమ్రా కూడా నిరాశపర్చాడు. ప్రస్తుతం సిరాజ్‌ (2), నితీశ్‌ (105) క్రీజులో ఉన్నారు. 9 వికెట్ల నష్టానికి 358 రన్స్‌ చేసింది. తొలి ఇన్నింగ్స్‌లో మరో 116 రన్స్‌ చేయాల్సి ఉంది.

What a hundred what a innings by this 21 year old…
Nitish Reddy’ s father in tears…#INDvsAUS pic.twitter.com/Ral8PFoXe8

— Ranit Sarkar (@iam_ranit) December 28, 2024