స‌న్‌రైజ‌ర్స్‌ను చీర్ చేసిన ఈ మిస్ట‌రీ గ‌ర్ల్ ఎవ‌రో తెలుసా?

April 12, 2021 / 12:52 PM IST

చెన్నై: స‌న్‌రైజ‌ర్స్ హైద‌రాబాద్ టీమ్ మిస్ట‌రీ గ‌ర్ల్ మ‌ళ్లీ వ‌చ్చేసింది. ఆ మ‌ధ్య వేలంలో స‌న్‌రైజ‌ర్స్ టేబుల్ ద‌గ్గ‌ర క‌నిపించి ఆ అమ్మాయిపైకే కెమెరాలు మ‌ళ్లీ మ‌ళ్లీ జూమ్ చేశాయి. దీంతో ఈ మిస్ట‌రీ గ‌ర్ల్ ఎవ‌రా అంటూ అభిమానులు తెగ ఆరా తీశారు. ఇప్పుడా మిస్ట‌రీ గ‌ర్లే స‌న్‌రైజ‌ర్స్ తొలి మ్యాచ్‌కు వ‌చ్చింది. స్టాండ్స్‌లో కూర్చొని టీమ్‌ను చీర్ చేసింది.

ఇంత‌కీ ఈ మిస్ట‌రీ గ‌ర్ల్ ఎవ‌రో తెలుసా? ఈమె పేరు కావ్య మార‌న్‌. స‌న్‌రైజ‌ర్స్ హైద‌రాబాద్ టీమ్ సీఈవో. త‌మిళ‌నాడు మీడియా కింగ్ క‌ళానిధి మార‌న్ ఏకైక కూతురు. స‌న్ నెట్‌వ‌ర్క్ చానెల్స్ బిజినెస్‌లోనూ ఆమె చాలా యాక్టివ్‌గా ఉంది. ఆమె తొలిసారి 2018 సీజ‌న్ ఐపీఎల్‌లో కనిపించింది. అప్పుడు కూడా కోల్‌క‌తా నైట్‌రైడ‌ర్స్ మ్యాచ్‌లోనే కావ్య మార‌న్ క‌నిపించ‌డం విశేషం. ఆదివారం మ్యాచ్‌లో కేకేఆర్ ఓపెన‌ర్ గిల్‌ను ర‌షీద్ అవుట్ చేయ‌గానే కావ్య సెల‌బ్రేట్ చేసుకున్న వీడియో వైర‌ల్ అయింది.