Vijay Hazare Trophy | దేశ‌వాళీ క్రికెట్‌లో మ‌యాంక్, హుడా శ‌త‌కాల మోత‌

Vijay Hazare Trophy  : సొంత‌గ‌డ్డ‌పై జ‌రిగిన‌ వ‌ర‌ల్డ్ క‌ప్(ODI World Cup) జ‌ట్టులో చోటు ద‌క్కించుకోలేక‌పోయిన ఓపెన‌ర్ మ‌యాంక్ అగ‌ర్వాల్ (Mayank Agarwal), ఆల్‌రౌండ‌ర్ దీప‌క్ హుడా(Deepak Hooda) దేశ‌వాళీలో దంచికొడుతున్నారు. మ‌ళ్లీ టీమిండియా జెర్సీపై క‌న్నేసిన ఈ ఇద్ద‌రూ విజ‌య్‌హ‌జారే ట్రోఫీ(Vijay Hazare Trophy) ఆరంభం రోజే...

Vijay Hazare Trophy  : సొంత‌గ‌డ్డ‌పై జ‌రిగిన‌ వ‌ర‌ల్డ్ క‌ప్(ODI World Cup) జ‌ట్టులో చోటు ద‌క్కించుకోలేక‌పోయిన ఓపెన‌ర్ మ‌యాంక్ అగ‌ర్వాల్ (Mayank Agarwal), ఆల్‌రౌండ‌ర్ దీప‌క్ హుడా(Deepak Hooda) దేశ‌వాళీలో దంచికొడుతున్నారు. మ‌ళ్లీ టీమిండియా జెర్సీపై క‌న్నేసిన ఈ ఇద్ద‌రూ విజ‌య్‌హ‌జారే ట్రోఫీ(Vijay Hazare Trophy) ఆరంభం రోజే శ‌త‌కాల‌తో చెల‌రేగారు. క‌ర్నాట‌క‌కు ఆడుతున్న మ‌యాంక్.. జ‌మ్ముక‌శ్మీర్ బౌల‌ర్ల‌ను ఉతికారేస్తూ 157 ప‌రుగులు సాధించాడు.

అహ్మ‌దాబాద్‌లోని స‌ర్దార్ ప‌టేల్ స్టేడియంలో జ‌రిగిన మ్యాచ్‌లో మ‌యాంక్ 137 బంతుల్లో 11 ఫోర్లు, 8 సిక్స‌ర్ల‌తో వీర‌విహారం చేశాడు. ఓపెనర్‌గా వ‌చ్చి 44వ ఓవ‌ర్ వ‌ర‌కూ ఆడిన మ‌యాంక్ డ‌బుల్ సెంచ‌రీ కొట్టేలా క‌నిపించాడు. కానీ, స‌హిల్ లోత్రా అత‌డిని వెన‌క్కిపంపాడు. ఆ త‌ర్వాత వ‌చ్చిన దేవ్‌ద‌త్ ప‌డిక్క‌ల్ 35 బంతుల్లో 71 ర‌న్స్ చేయ‌డంతో క‌ర్నాట‌క తొలి రోజు 2 వికెట్ల న‌ష్టానికి 402 ప‌రుగులు కొట్టింది.

దీప‌క్ హుడా

3 వికెట్లు ప‌డ్డాక‌..

ఇక మ‌రో మ్యాచ్‌లో రాజ‌స్థాన్ బ్యాట‌ర్ దీప‌క్ హుడా.. అరుణాచ‌ల్ ప్ర‌దేశ్ జట్టుపై సెంచ‌రీ బాదాడు. ఈ ఆల్‌రౌండ‌ర్ 103 బంతుల్లో 15 ఫోర్లు,2 సిక్స‌ర్ల‌తో 114 ప‌రుగులు చేశాడు. తొలుత బ్యాటింగ్ చేసిన రాజ‌స్థాన్‌కు శుభారంభం ద‌క్క‌లేదు. అరుణాచ‌ల్ బౌల‌ర్ల ధాటికి టాపార్డ‌ర్ బ్యాట‌ర్లలో ముగ్గురు 5.1 ఓవర్ల‌కే పెవిలియ‌న్ చేరారు. ఆ ద‌శ‌లో క్రీజులోకి వ‌చ్చిన హుడా విలువైన ఇన్నింగ్స్ ఆడి జ‌ట్టును క‌ష్టాల నుంచి గ‌ట్టెక్కించాడు. దాంతో, తొలి రోజు రాజ‌స్థాన్ 8 వికెట్ల న‌ష్టానికి 537 ర‌న్స్ చేయ‌గ‌లిగింది.

ఇవి కూడా చ‌ద‌వండి

• Sabarimala temple | శబరిమల అయ్యప్ప ఆలయం వద్ద పాముకాటుకు గురైన చిన్నారి

• IRCTC | టెక్నికల్ సమస్యతో మొరాయించిన ఐఆర్సీటీసీ.. మధ్యాహ్నం సేవలు పున: ప్రారంభం

• Marlon Samuels | వెస్టిండీస్ మాజీ క్రికెట‌ర్‌కు భారీ షాక్.. 6 ఏండ్ల‌ నిషేధం విధించిన కోర్టు