WPL | ఉత్కంఠ పోరులో గుజరాత్‌ జెయింట్స్‌పై ముంబై విజయం

మహిళల ప్రీమియర్‌ లీగ్‌ (డబ్ల్యూపీఎల్‌) 3వ సీజన్‌లో భాగంగా తాము ఆడిన చివరి లీగ్‌ మ్యాచ్‌ను గుజరాత్‌ జెయింట్స్‌ ఓటమితో ముగించింది. ముంబైలోని బ్రబోర్న్‌ స్టేడియంలో ముంబై ఇండియన్స్‌తో ఆద్యంతం ఉత్కంఠగా జరిగిన మ్యాచ్‌లో హర్మన్‌ప్రీత్‌ కౌర్‌ సేన..

WPL | ముంబై : మహిళల ప్రీమియర్‌ లీగ్‌ (డబ్ల్యూపీఎల్‌) 3వ సీజన్‌లో భాగంగా తాము ఆడిన చివరి లీగ్‌ మ్యాచ్‌ను గుజరాత్‌ జెయింట్స్‌ ఓటమితో ముగించింది. ముంబైలోని బ్రబోర్న్‌ స్టేడియంలో ముంబై ఇండియన్స్‌తో ఆద్యంతం ఉత్కంఠగా జరిగిన మ్యాచ్‌లో హర్మన్‌ప్రీత్‌ కౌర్‌ సేన.. 9 పరుగుల తేడాతో గెలిచి పాయింట్ల పట్టికలో రెండో స్థానానికి దూసుకెళ్లింది. మొదట బ్యాటింగ్‌ చేసిన ముంబై.. హర్మన్‌ప్రీత్‌ (54), సీవర్‌ (38) ఆదుకోవడంతో 179/6 స్కోరు చేసింది. ఛేదనలో గుజరాత్‌ 170/9 వద్దే ఆగిపోయింది. ప్రధాన బ్యాటర్లంతా విఫలమైనా భార్టీ ఫల్మలి (61) జెయింట్స్‌ శిభిరంలో ఆశలు రేపింది. కానీ ఆఖర్లో ఆ జట్టు తడబాటుకు లోనై ఓటమిని కొనితెచ్చుకుంది.