సెమీస్‌లో నిఖత్‌ తెలంగాణ నుంచి మరో ఇద్దరు..

మహిళల ఎలైట్‌ బాక్సింగ్‌ టోర్నమెంట్‌లో తెలంగాణ బాక్సర్లు సత్తాచాటారు. భారత బాక్సింగ్‌ సమాఖ్య (బీఎఫ్‌ఐ), స్పోర్ట్స్‌ అథారిటీ ఆఫ్‌ ఇండియా (సాయ్‌), తెలంగాణ బాక్సింగ్‌ సమాఖ్య ఆధ్వర్యంలో స్థానిక సరూర్‌నగర్‌ ఇండోర్‌ స్టేడియం వేదికగా జరుగుతున్న ఈ పోటీలలో భాగంగా ఆదివారం జరిగిన క్వార్టర్స్‌ పోరులో 48-51 కిలోల విభాగంలో బరిలోకి దిగిన ప్రపంచ చాంపియన్‌ నిఖత్‌ జరీన్‌..

హైదరాబాద్‌, ఆట ప్రతినిధి : మహిళల ఎలైట్‌ బాక్సింగ్‌ టోర్నమెంట్‌లో తెలంగాణ బాక్సర్లు సత్తాచాటారు. భారత బాక్సింగ్‌ సమాఖ్య (బీఎఫ్‌ఐ), స్పోర్ట్స్‌ అథారిటీ ఆఫ్‌ ఇండియా (సాయ్‌), తెలంగాణ బాక్సింగ్‌ సమాఖ్య ఆధ్వర్యంలో స్థానిక సరూర్‌నగర్‌ ఇండోర్‌ స్టేడియం వేదికగా జరుగుతున్న ఈ పోటీలలో భాగంగా ఆదివారం జరిగిన క్వార్టర్స్‌ పోరులో 48-51 కిలోల విభాగంలో బరిలోకి దిగిన ప్రపంచ చాంపియన్‌ నిఖత్‌ జరీన్‌..

5-0తో కల్పన (సాయ్‌ నార్త్‌)పై అలవోక విజయం సాధించింది. 57-60 కిలోల విభాగంలో నిహారిక.. 5-0తో ప్రియాంక (చండీగఢ్‌)ను మట్టికరిపించింది. 60-65 కిలోల కేటగిరీలో యశి శర్మ.. 3-2తో సరితా భాయ్‌ (ఉత్తరప్రదేశ్‌)పై గెలిచి సెమీస్‌కు అర్హత సాధించింది. ఒలింపియన్‌ లవ్లీనా బోర్గొహెయిన్‌.. 70-75 కిలోల విభాగంలో పంజాబ్‌ బాక్సర్‌ క్రిష్‌ వర్మపై గెలిచి సెమీస్‌ చేరింది.