IPL 2024 | బ్రాడ్, స్మిత్‌ల‌కు నోరూరింది.. సాబుదానా వ‌డ, వ‌డా పావ్ రుచి చూశారలా..!

IPL 2024 : ఐపీఎల్ 17వ సీజ‌న్‌లో ఉత్కంఠ పోరాటాలు, స్టార్ ఆట‌గాళ్లు బ్యాటింగ్ విన్యాసాలు అభిమానులను అల‌రిస్తున్నాయి. మ్యాచ్ స‌మ‌యంలో కామెంట‌రీ బాక్స్‌లో నోటికి ప‌ని చెప్పే స్టువార్ట్ బ్రాడ్(Stuart Broad), స్టీవ్ స్మిత్‌ (Steven Smith)లు భార‌తీయ ఆతిథ్యాన్ని ఎంజాయ్ చేస్తున్నారు.

April 13, 2024 / 06:54 PM IST

IPL 2024 | బ్రాడ్, స్మిత్‌ల‌కు నోరూరింది.. సాబుదానా వ‌డ, వ‌డా పావ్ రుచి చూశారలా..!

IPL 2024 : ఐపీఎల్ 17వ సీజ‌న్‌లో ఉత్కంఠ పోరాటాలు, స్టార్ ఆట‌గాళ్లు బ్యాటింగ్ విన్యాసాలు అభిమానులను అల‌రిస్తున్నాయి. ఇక ఒక్కో మ్యాచ్‌లో ఇర‌గదీసిన క్రికెట‌ర్ల ఆట‌ను వ‌ర్ణించేందుకు కామెంటేట‌ర్ల‌కు మాట‌లు చాల‌డం లేదు. మ్యాచ్ స‌మ‌యంలో కామెంట‌రీ బాక్స్‌లో నోటికి ప‌ని చెప్పే స్టువార్ట్ బ్రాడ్(Stuart Broad), స్టీవ్ స్మిత్‌(Steven Smith)లు భార‌తీయ ఆతిథ్యాన్ని ఎంజాయ్ చేస్తున్నారు.

స్టార్ స్పోర్ట్స్ కామెంట‌రీ ప్యానెల్‌లో స‌భ్యులైన ఈ ఇద్ద‌రూ తాజాగా మ‌హ‌రాష్ట్ర వంట‌కాల‌ను రుచి చూశారు. స్టార్ స్పోర్ట్స్ సోష‌ల్ మీడియా సెల్ స‌భ్యుల‌తో క‌లిసి బ్రాడ్, స్మిత్‌లు ముంబైలోని ఒక రెస్టారెంట్‌కు వెళ్లారు. స్థానికంగా ఫేమ‌స్ అయిన‌ సాబుదానా వ‌డ‌, వ‌డా పావ్, మిస‌ల్ పావ్‌ల‌ను తిన్నారు.

On their day out, @stevesmith49 & @StuartBroad8 discovered delicious Maharashtrian cuisine 🤤

Learn about their Mumbai visit on #StarNahiFar by Star Sports!

Tune in to #PBKSvRR in #IPLOnStar
Today | 6:30 PM | Only on Star Sports pic.twitter.com/cy751LVG9n

— Star Sports (@StarSportsIndia) April 13, 2024

సాబుదానా వ‌డ‌లో ప‌చ్చి మిర్చి ఘాటుకు నోరు మండిపోయింద‌ని బ్రాడ్, స్టీవ్ స్మిత్‌లు చెప్పారు. ఆ త‌ర్వాత ఇద్ద‌రూ మ‌హారాష్ట్ర ప్ర‌త్యేక పానీయం పీయుష్‌ను టేస్ట్ చేశారు. స్మిత్, బ్రాడ్ చిరుతిండి తింటున్న వీడియోను స్టార్ స్పోర్ట్స్ ఎక్స్ ఖాతాలో పెట్టింది. దానికి.. ‘డే అవుట్‌లో భాగంగా స్టీవ్ స్మిత్, స్టువార్ట్ బ్రాడ్‌లు మ‌హారాష్ట్ర వంట‌కాల‌ను రుచి చూశారు’ అని క్యాప్ష‌న్ రాసుకొచ్చింది. ప్ర‌స్తుతం ఆ వీడియో నెట్టింట వైర‌ల్ అవుతోంది.

యాషెస్ సిరీస్‌లో స్మిత్, బ్రాడ్

Smith

నిరుడు స్వ‌దేశంలో యాషెస్ సిరీస్ అనంతరం బ్రాడ్ క్రికెట్‌కు వీడ్కోలు ప‌లికాడు. కెరీర్‌లో అత్య‌ధిక వికెట్లు తీసిన రెండో ఇంగ్లండ్ బౌల‌ర్‌గా చ‌రిత్రకెక్కిన బ్రాడ్ ప్ర‌స్తుతం కామెంటేట‌ర్‌గా రాణిస్తున్నాడు. ఇక స్మిత్ విష‌యానికొస్తే.. ఆస్ట్రేలియా త‌ర‌ఫున టెస్టుటు, వ‌న్డేలు ఆడుతున్నాడు. కానీ, ఐపీఎల్ 17వ సీజ‌న్‌కు మాత్రం దూరంగా ఉన్నాడు. దాంతో, ఈ ఇద్ద‌రితో స్టార్ స్పోర్ట్స్ టీవీ ఛానెల్ ఐపీఎల్ 17వ సీజ‌న్ కామెంట‌రీ కోసం ఒప్పందం చేసుకుంది.